मत्ती 4:21 - गढवली नयो नियम

²¹ अर यीशु जरा अगनैं बड़ी के अर वेल देखि कि, जब्दी का नौंना, दुई भैय जै कु नौं याकूब अर यूहन्ना छो ऊं तैं नाव मा जालों तैं सुधरद देखि। अर यीशु ल ऊं तैं भि बुलै।

Garhwali

²¹ अर जब यीशु उख बटि अगनै गै, त वेन याकूब अर यूहन्‍ना तैं देखि जु कि जबदी का नौना छा, अर यू दुई भै नाव मा बैठि के अपणा बुबा का दगड़ा मा जाल ठिक कना छा। तब यीशु न ऊंतैं भि अपणा दगड़ा मा बुलै।

मत्ती 4:21 ပူးပေါင်းရင်းမြစ်များ

मत्ती 10:2

यूं बारह प्रेरितों का नौं यु छिन पैलो शमौन पतरस अर वेको भैय अन्द्रियास जब्दी को नौंनो याकूब अर वेको भैय यूहन्ना।

मत्ती 17:1

एक हफ्ता का बाद यीशु ल पतरस याकूब अर यूहन्ना तैं अपड़ा दगड़ा मा लींनि अर सुनसान जगह मा उ दगड़ी एक डांडा पर चलि गैनी।

मत्ती 26:37

अर यीशु पतरस अर जब्दी का नौंना याकूब अर यूहन्ना तैं अफ दगड़ी लीगि अर भौत दुखी अर व्याकुल हूंण लगि गै।

मत्ती 4:20

उ अपड़ा कामों अर जालों तैं छोड़ी के वेका चेला बंणि के वेका पिछनै चलि गैनी।

मत्ती 4:22

अर उ अपड़ा बुबा जब्दी अर मजदूरों तैं नाव मा जालों दगड़ी छोड़ी के वेका शिष्य बनण कु यीशु का पिछनै चलि गैनी।

मरकुस 3:17

अर जब्दी को नौंनो याकूब अर वेको भैय यूहन्ना जौं को नौं वेल बुअनरगिस मतलब गर्जन समान आदिम छो।

मरकुस 5:37

तब यीशु ल पतरस अर याकूब अर वेका भैय यूहन्ना तैं ही अफ दगड़ी औंण दींनि

यूहन्ना 21:2

शमौन पतरस अर थोमा जै कु दिदुमुस भि बुल्दा छा अर गलील का काना नगर को नतनएल अर जब्दी का नौंना अर वेका चेलों मा बट्टी द्वी और मनिख कठा हुयां च।

खास चेलों 12:2

ऊंल प्रेरितों मा बट्टी यूहन्ना का भैय याकूब तैं तलवार ल मरवै दींनि,