मत्ती 27:51 - गढवली नयो नियम

⁵¹ अर देखा यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै अर धरती हिलि गै अर चट्टान तड़कि गैनी।

Garhwali

⁵¹ अर वे ही बगत मन्दिर को परदा मथि बटि मूड़ी तक दुई हिस्सों मा फटी गै, अर एक बड़ु भ्वींचळु औण से धरती हिली गै, अर पौड़-पखाडो पर तिड़कवाल पोड़ि गै,

मत्ती 27:51 ပူးပေါင်းရင်းမြစ်များ

मत्ती 27:54

तब सुबदार अर जु वे दगड़ी यीशु को पहरा दींणा छा भ्युंडोल अर जु कुछ हवे छो वे देखि के भौत डैरी गैनी त बोलि, “सचमुच यु मनिख परमेश्वर कु नौंनो छो”

मत्ती 28:2

अर देखा एक बड़ो भ्युंडोल हवे किलैकि प्रभु को एक स्वर्गदूत स्वर्ग बट्टी उतरी अर कब्र का संमणी ऐ के वे ल कब्र का द्वार बट्टी बड़ो ढुंगो हटै दींनि अर वे ढुंगा पर बैठी गै।

मरकुस 15:38

अर यरूशलेम शहर का मन्दिर मा लटकयूँ मोटू परदा जु परमेश्वर की उपस्थित मा जांण से रुकदो छो मथि बट्टी मूड़ि तक फटी के द्वी टुकड़ा हवे गै।

लूका 23:45

अर सूरज कु उज्यलो चलि गै अर यरूशलेम शहर का मन्दिर मा लटकयूँ मोटू परदा बीच मा द्वी भाग मा फटि गै।

लूका 23:47

सुबदार ल यु सब देखि के जु कुछ भि हवे छो, परमेश्वर बढ़ै कैरी अर बोलि, “सचमुच यु मनिख धर्मी छो।”

इब्रानी 6:19

जन एक बड़ी कील बट्टी बंधयूं ज्यूड़ो नाव तैं स्थिर अर मजबूत रखद, उन ही के य आस हमारा आत्मा तैं स्थिर अर मजबूत बणै कै रखद; ज्यांमा हमारी आस च कि उ यीशु ही च; जु स्वर्ग मा पवित्र तम्बू का पिछनै महापवित्र जगह मा पिता परमेश्वर का संमणी ग्यूं च।

इब्रानी 9:3

अर दुसरा मिलाप वला तम्बू मा जु पर्दा का पिछनै छो, वे तैं परम पवित्र जगह बुलै जांदु छो।

दिब्य दरस 11:13

वे बगत, यरूशलेम शहर मा एक भौत बड़ो भूकम्प ऐ, अर शहर की इमारतों कु दसवां हिस्सा लमडी गै; अर वे भूकम्प बट्टी सात हजार मनिख मोर गैनी अर बचयां लोग जु मोरि नि छा, उ भौत डौर गैनी, इलै ऊंल स्वर्ग का पिता परमेश्वर की महिमा कैरी।

दिब्य दरस 11:19

अर पिता परमेश्वर कु जु स्वर्गीय मन्दिर च, उ खुलै गै, अर ऊंका मन्दिर मा ऊंकी वाचा कु सन्दूक दिखै द्ये, अर वे ही बगत बिजलियां, घुरांण अर भूकम्प हूंणा छा, अर आसमान मा बट्टी बड़ा-बड़ा ओलों की बरखा हूंणी छै।