मत्ती 27:1 - गढवली नयो नियम

¹ अर सुबेर लै के प्रधान याजक ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल यीशु तैं मरणै की सलाह कैरी कि

Garhwali

¹ अर सुबेर होन्दी यहूदियों का सब मुख्य पुरोहित अर अध्यक्ष लोग मिली के यीशु तैं मरवौण की सला बणौण लगि गैनी।

मत्ती 27:1 ပူးပေါင်းရင်းမြစ်များ

मत्ती 23:13

हे कपटि मूसा की व्यवस्था तैं सिखांण वलो अर फरीसियों हाय च तुम पर, तुम लुखुं कु स्वर्ग का राज्य मा प्रवेश कने की अनुमति नि दींदां त अफ वे द्वार बट्टी भितर जंदा अर वां बट्टी भितर जांण वलो तैं भि भितर नि जांण दींदां।

मरकुस 15:1

अर सुबेर लै के प्रधान याजकों ल दाना-सयाणों अर मूसा की व्यवस्था तैं सिखांण वलो ल बल्कि सैरी महासभा का लुखुं ल योजना की चर्चा कैरी के यीशु तैं बन्धवै दींनि अर न्याय कनु कु यहूदिया जिला का रोमी गवर्नर मा लिजै कै पिलातुस मा सौंपी दींनि।

लूका 13:1

वे बगत कुछ लोग ऐनी, अर ऊंल यीशु कु बोलि, की रोमी राज्यपाल पिलातुस ल गलीली का कुछ लुखुं कु ल्वे बुगै के मारि दींनि जब उ मन्दिर मा बलिदान चढ़ाणा छा।

लूका 22:66

जब दिन कु बगत हवे त दाना-सयाणों अर प्रधान याजकों अर मूसा की व्यवस्था तैं सिखांण वला लोग कठा हवेनि अर यीशु तैं अपड़ी महासभा मा लै कै पूछि।

यूहन्ना 18:28

अर यहूदी लोग यीशु तैं कैफा का संमणी बट्टी य रोमी राज्यपाल, पिलातुस का महल कु ली गैनी अर सुबेर कु बगत छो, पर उ अफी किला का भितर नि गै जु वेमा बट्टी कुई भि भितर जांदु, त उ अशुद्ध हवे जांदु अर वे तैं फसह को भोज नि खै सकदा छा।

खास चेलों 5:21

प्रेरित बड़ी सुबेर मा उठि के यरूशलेम शहर का मन्दिर मा गै जन ऊं तैं स्वर्गदूत ल बतै छो अर शिक्षा दींण शुरू कैरी। फिर जब महायाजक अर वेका दगड़िया उख पौछिनी त ऊंल यहूदी झुण्ड अर इस्राएल का दाना सयाणों की पूरी महासभा बुलै अर जेलखना कु रैबार भेजि कि ऊं प्रेरितों तैं इख लौनु।