मत्ती 26:10 - गढवली नयो नियम

¹⁰ यु जांणि के यीशु ल ऊंमा बोलि “ईं जनन तैं किलै सतांणा छा? वीं ल मि दगड़ी भलै कैरी।

Garhwali

¹⁰ अर यीशु ईं बात तैं जाणि गै अर वेन चेलों कू बोलि, “तुम ईं जनानि तैं किलै सतौणा छाँ? वींन त मेरा दगड़ा मा भलै ही कैरी।

मत्ती 26:10 ပူးပေါင်းရင်းမြစ်များ

मत्ती 26:11

गरीब त तुम दगड़ी सदनी रौदींनि पर मिल तुम दगड़ी सदनी नि रौंण।

मत्ती 26:9

यु त अच्छा दाम मा बेचि के कंगालों मा बंटे सक्योंदु छो।”

मरकुस 14:6

यीशु ल बोलि, वीं तैं यखुली छोड़ी द्या वीं तैं परेशान कन छोड़ी द्या वीं ल त मेरा दगड़ा भलै कैरी।

लूका 8:49

जब यीशु वीं बट्टी बात कनु ही छो त यहूदियों का मिलणा का भवन का सरदार का घौर बट्टी लुखुं न ऐ के बोलि, “कि तेरी नौंनि त मोरि गै अब गुरु तैं परेशान नि कर।”

2 कुरिन्थि 9:8

पिता परमेश्वर सभि ढंग की दया तुम तैं जु भि तुम तैं जरूरत हो बहुतायत ल दे सकद। ज्यां बट्टी हर बात मा अर हर बगत, सब कुछ, जु तुम तैं जरूरी च, तुम मा रौ, तब तुम मा भला काम कनु कु जरूरत से जादा होलो।

गलातियों 1:7

भस एक ही सचो शुभ सन्देश च। पर बात या च, कि कुछ लोग इन छिन जु तुम तैं भरमांणा छिन अर मसीह का शुभ सन्देश तैं बिगणनं चंदींनि।

गलातियों 5:12

अच्छो हूंदु, कि जु तुम तैं झूठी शिक्षाओं बट्टी भरमांणा छिन उ अपड़ा तैं नपुंसक ही बणै दींद।

गलातियों 6:17

अगनैं कु कुई मि तैं दुःख नि द्यो, किलैकि मेरी देह पर जु दाग छिनी उ दिखदींनि कि मि यीशु मसीह कु एक प्रेरित छों।

इफिसुस 2:10

किलैकि हम तैं परमेश्वर ल बंणै गै; अर मसीह यीशु मा भला काम कनु कु हम तैं नया लुखुं का रूप मा बंणै जै तैं पिता परमेश्वर ल पैली ही बट्टी हम कु तैयार कैरी।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

2 थिस्सलुनीकी 2:17

मि प्रार्थना करदु कि उ तुम्हरा मनों तैं साहस ल भोरि द्यो अर जु ठिक च वे तैं हमेशा तुम कु मजबूत कैरो।

1 तीमुथियुस 3:1

या बात सच च कि जु कुई आदिम मण्डलि मा अध्यक्ष बनण चौ, त उ अच्छा काम कने मनसा रखो।

1 तीमुथियुस 5:10

भला काम कन मा सुनाम रै हो; जैल बच्चों कु अच्छो पालन-पोषण कैरी हो, अर विश्वासी भयों, कि खूब खातिरदारि कैरी हो, अर विश्वासी लुखुं की सेवा इन कैरी हो की जन व एक दासी हो, अर अपड़ा लुखुं की मदद कैरी हो जु लोग मुशीबतों मा छा, वीं ल हर ढंग से भला काम कनु कु अफ तैं समर्पित कैरी हो।

2 तीमुथियुस 2:21

इन ही, जु विश्वासी अपड़ा आप तैं ऊं सभि बुरा कामों बट्टी अलग कैरी ल्यो, जैको जीवन शुद्ध होलो उ एक कीमती भांडा का जन च, जु खास मौकों कु इस्तेमाल किये जांद, अर इलै वेको मालिक वेको इस्तेमाल करद।

तीतुस 1:16

यु झूठा शिक्षक इन बुल्दींनि, कि हम पिता परमेश्वर तैं जंणदा छा, पर अपड़ा कामों से वेको इंकार करदींनि, किलैकि उ बुल्युं नि मणन वला छिन, अर पिता परमेश्वर ऊं बट्टी घृणा करद, अर उ कै भि भला काम का लैख नि छिन।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

तीतुस 3:1

विश्वासी लुखुं तैं ईं बात कि सुद दिलौ, कि शासकों अर अधिकारियों कु आदर कैरा, अर ऊंका आदेशों कु पालन कैरा, अर दूसरों कु हरेक अच्छा काम कनु कु तैयार रौनु,

तीतुस 3:14

भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

तीतुस 3:8

या बात सच च जु मिल तुम तैं अभि लिखीं अर मि इन चांणु छौं, कि तु यूं बातों का बारा मा विश्वासियों तैं सिखांण बगत सख्तै से बोल, इलै कि जौं लुखुं ल परमेश्वर पर विश्वास कैरी उ भला-भला काम कनु को ध्यान रखुनु; किलैकि सभियूं कु या बात भलि अर मनिख्युं कि फैदा कि छिन।

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।