मत्ती 2:11 - गढवली नयो नियम

¹¹ ऊंल वेका घौर मा वेकी ब्वे मरियम अर यीशु देखि, त अपड़ा मुंड़ो तैं झुखै के वेकी आराधना अर प्रणाम कैरी अर अपड़ा-अपड़ा थैलों तैं खोलि के वे तैं सोना अर लोबान अर गन्धरस भेंट चड़ै।

Garhwali

¹¹ अर जब ऊ वे घौर मा गैनी, त ऊंन बच्‍चा तैं वेकी माँ मरियम का दगड़ा मा देखि। अर अपणा-अपणा थैलों तैं खोली के सोना, लोबान, अर गंधरस उपहार का रुप मा देके बच्‍चा को आदर-सम्मान कैरी।

मत्ती 2:11 ပူးပေါင်းရင်းမြစ်များ

मत्ती 1:18

यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे।

मत्ती 12:46

जब यीशु भीड़ से बात कना ही छा त वेकी ब्वे अर भैय भैर खड़ा छा अर वे बट्टी बात कन चांणा छा।

मत्ती 14:33

ईं बात पर ऊंल जु नाव मा बैठयां छा यीशु तैं आराधना अर प्रणाम कैरी कै बोलि, “तु सच्ची मा परमेश्वर कु नौंनो छै।”

मत्ती 2:10

वे गैंणो तैं देखि के उ भौत खुश हवेनि।

मत्ती 2:2

कि, “यहूदियों कु राजा जै को जन्म हवे उ कख च? किलैकि हम ल पूरब दिशा मा वेका जन्म का बारा मा आराधना कन वलो गैंणो देखि अर वे तैं प्रणाम कनु कु अयां छा।”

लूका 2:16

अर ऊंल तुरंत जै के मरियम अर यूसुफ तैं अर नौंना तैं पोड़य्युं देखि।

लूका 2:38

अर व वे बगत पर उख ऐ के परमेश्वर कु धन्यवाद कन लगि गै अर ऊं सभियूं से जु यरूशलेम शहर का लुखुं तैं छुटकारा का मसीह तैं भिजणु कु परमेश्वर की जुगाल कन लगि गै।

यूहन्ना 19:39

अर नीकुदेमुस जु कि राती का बगत यीशु मा ऐ छो तैंतीस किलोग्राम का लगभग मिल्युं, भीनी खुशबुदार चिज्युं अर एल्वा लै ऐ।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

दिब्य दरस 5:8

जब वेल किताब (चाम्रपत्र) लींनि, त उ चरी ज्यून्दा प्राणी अर चौबीसों दाना-सयाणों ल वे चिनखा का संमणी झुकि गैनी; हर एक दाना-सयणां ल एक वीणा अर सोना कु बणयुं कटोरा पकड़यूं छो। कटोरा धूप ल भुरयां छो जु ऊं लुखुं की प्रार्थनाओं तैं बतांद जु पिता परमेश्वर का छिनी।