मत्ती 18:3 - गढवली नयो नियम

³ अर बोलि, “मि तुम मा सच बुल्ण छौं कि तुम मनों तैं फिरैल्या अर बच्चों का जन बंणिल्या तब तुम ल स्वर्ग का राज्य मा जै सकण।”

Garhwali

³ “मि तुम बटि सच्‍चि बोन्‍नु छौं कि जबरि तक तुम खुद तैं बदलि के एक बच्‍चा का सभौ का जन नि बणि जैल्या, तबरि तक तुम स्वर्ग का राज मा नि जै सकद्‍यां।

मत्ती 18:3 ပူးပေါင်းရင်းမြစ်များ

मत्ती 13:15

किलैकि यूं लुखुं का दिल जिद्दी हवे गैनी, अर उ कंदूड़ों ल ऊंचो सुणदींनि अर ऊंल अपड़ा आंखा बूजिनि कखि इन नि हो कि उ आँखों ल दिखुनु, अर कंदूड़ों ल सुंणुनु अर मन से समझण, अर अपड़ा पापों से मन फिरौनु अर मि ऊं तैं खूब कैरु।

मत्ती 18:2

ऊंका यु सवाल का जवाब मा वेल एक बच्चा तैं ऊंका नजीक मा खड़ो कैरी।

मत्ती 18:4

जु कुई अफ तैं ये बच्चा की तरौं नम्र बणालु उ परमेश्वर का राज्य मा सबसे बड़ो होलो।

मत्ती 19:14

यीशु ल यु देखि त गुस्सा हवे कै ऊंकु बोलि, “बच्चों तैं मि मा आंण द्या ऊंकु मना नि कैरा किलैकि यु ही लोग जु बच्चों जन विश्वासयोग्य अर विनम्र छिनी परमेश्वर कु राज्य यूंको ही च।”

मत्ती 19:23

तब यीशु ल अपड़ा चेलों मा बोलि मि तुम मा सच-सच बुल्णु छौं कि सेठ धनवान लुखुं को परमेश्वर का राज्य मा जांण भौत मुश्किल च।”

मत्ती 5:18

किलैकि मि तुम मा सच बुल्ण छौं कि जब तक आसमान अर धरती टलि नि जंदींनि तब तक मूसा द्वारा लिखीं परमेश्वर की व्यवस्था मा बट्टी कुछ भि यख तक की एक भि मात्रा या एक बिंदु भि बगैर पूरी हुयां नि टललो।

मत्ती 5:20

मि तुम मा बुल्ण छौं कि तुम स्वर्ग का राज्य मा तभि प्रवेश कैर सकदा जब तक तुम्हरी धार्मिकता मूसा की व्यवस्था तैं सिखांण वलो अर फरीसियों की धार्मिकता बट्टी बढ़ि कै नि हो।

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

मत्ती 6:2

इलै जब तुम दान कैरा त अपड़ा अगनैं तुरै बजै के दिखावा नि कैरा जन कपटि यहूदियों का मिलणा का भवन मा अर गलियों मा करदींनि, इलै की ऊं लुखुं का द्वारा ऊं की प्रशंसा हो, मि तुम मा सच बुल्ण छौं कि उ अपड़ो प्रतिफल पै चुकि गैनी।

मत्ती 6:5

जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी।

मरकुस 4:12

इलै जु परमेश्वर का वचन मा लिख्युं च, उ देखि के दिखुनु पर ऊं तैं समझी नि सकुनु अर सूंणि के भि सुणुनु पर बींगी नि सकुनु इन नि हो कि उ अपड़ा पापों से फिरुनु अर माफ करे जलो।

लूका 13:24

परमेश्वर का राज्य मा प्रवेश कनु कु यत्न कैरा, किलैकि परमेश्वर का राज्य मा प्रवेश कन संगड़ा द्वार बट्टी प्रवेश कन का जन च मि तुम मा बुल्णु छौं, की भौत सा लोग प्रवेश कन चाला पर नि कैर सकदा।

लूका 22:32

पर मिल त्वे कु परमेश्वर बट्टी प्रार्थना कैरी कि तेरु विश्वास मि बट्टी चलि न जा अर जब तु पापों बट्टी पश्चाताप किये त अपड़ा विश्वासी भयों तैं भि मि पर विश्वास कनु कु मजबूत किये।

यूहन्ना 1:51

फिर वे बट्टी बोलि, मि तुम मा सच-सच बुल्णु छौं कि तुम स्वर्ग तैं खुल्यूं अर परमेश्वर का स्वर्गदूतों तैं मथि जांदा अर मि मनिख कु नौंनो का मथि उतरद दिखली।”

यूहन्ना 3:3

यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।

यूहन्ना 3:5

यीशु ल जवाब द्ये, कि मि त्वे बट्टी सच-सच बुल्ण छौं जब तक कुई मनिख पांणी अर पवित्र आत्मा बट्टी नि जन्मो त उ परमेश्वर का राज्य मा प्रवेश नि कैर सकद।

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 28:27

किलैकि यूं लुखुं का दिल निठुर हवे गैनी अर यूंका कन्दूड़ बुझै गैनी यूं ल अपड़ा आंखा बूजेनी कखि इन नि हो कि उ आँखों ल दिखुनु अर कन्दूड़ो ल सुनांणु दिल मा समझी जौनु अर अपड़ा मन फिरौनु अर मि ऊं तैं खूब कैरी द्यों।

खास चेलों 3:19

इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

1 कुरिन्थि 14:20

हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।

1 पतरस 2:2

मि तुम्हरी तुलना नवजात छुटा बच्चा बट्टी करदु; एक नवजात छुटा बच्चा हमेशा अपड़ी ब्वे कु दूध ही चांद कि मजबूत बणौं; उन ही के जन तुम तैं भि पिता परमेश्वर का वचन सुनण की इच्छा हूंण चयणी च कि पिता परमेश्वर मा तुम्हरो विश्वास मजबूत हो अर तुम्हरो उद्धार हवे जौं।

2 पतरस 1:11

अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।