मत्ती 17:20 - गढवली नयो नियम

²⁰ यीशु ल ऊंमा बोलि, “अपड़ा विश्वास कि कमी का कारण से, किलैकि मि तुम मा सच-सच बुल्णु छौं, की जु तुमारो विश्वास रैई का बीज बराबर भि हो, त यु डांडा कु बोलि सकिल्या, तु उखड़ि जा, अर समुद्र मा पोड़ि जा, जन बुल्दी, त उन ही वेको हवे जालो।”

Garhwali

²⁰ वेन ऊंतैं जबाब दिनी, “किलैकि तुम मा बिस्वास की कमी च, अर मि तुम लोगु से सच्‍च बोन्‍नु छौं कि अगर जु तुमरो बिस्वास लय्या का बीज बराबर भि होलु, अर तुम ये पाड़ कू भि बोलिल्या कि ‘इख बटि हटि के उख चलि जा,’ त उ भि हटि जालु। अर अगर तुम बिस्वास करिल्या, त हरेक बात तुम खुणि पूरि ह्‍वेलि।”

मत्ती 17:20 ပူးပေါင်းရင်းမြစ်များ

मत्ती 13:31

यीशु ल ऊं तैं एक और मिसाल दींनि परमेश्वर कु राज्य रैई का बीज जन च जै तैं कै मनिख ल ले के अपड़ा पुंगड़ा मा बूति दींनि।

मत्ती 14:29

वेल बोलि, “औ तब पतरस नाव पर बट्टी उतरी के यीशु का संमणी जांणु कु पांणि पर चलण लगि गै।”

मत्ती 17:17

यीशु ल ऊं तैं जवाब दे के बोलि, हे अविश्वासी लुखुं मि कब तक तुम दगड़ी रौलु? अर कब तक तुमारा अविश्वास तैं सैंण रौलु वे तैं इख मि मा लावा।

मत्ती 17:19

तब चेला यीशु का दगड़ी यखुली छो तब ऊंल वे तैं पूछि हम ल व दुष्टात्मा किलै नि निकाली साक?

मत्ती 17:9

जब उ डांडा बट्टी उतरंणा छा, तब यीशु ल उंद आंदी बगत ऊं तैं यु आज्ञा दींनि, “जब तक मि मनिख कु नौंनो मुर्दों म बट्टी ज्यूँदो नि हवे जौ, तब तक जु कुछ भि तुम ल डांडा मा देखि वांका बारा मा कै मा नि बुल्यां।”

मत्ती 21:21

यीशु ल वे तैं जवाब दे “परमेश्वर पर विश्वास रखा अर संदेश नि कैरा की जु तुम ल मांगि वे तैं परमेश्वर ल पूरो कन मि तुम मा सच-सच बुल्णु छौं जु कुई यु बेडु को डाला कु बुललो तू उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि भरोसो कैर कि जु बुल्णु छौं उ हवे जालो त वेको उन ही हवे जालो।”

मत्ती 8:26

यीशु ल ऊं बट्टी बोलि, “हे अधुरा विश्वासियों” किलै डरणा छा? तब वेल उठि के अतरोळ-बतरोळ से उठयां लहरों तैं झिड़की अर सब शान्त हवे गै।

मरकुस 11:22

यीशु ल वे तैं जवाब दे “परमेश्वर पर विश्वास रखा की जु तुम ल मांगि वे तैं परमेश्वर ल पूरो कन।”

मरकुस 11:23

मि तुम मा सच-सच बुल्णु छौं जु कुई यु डांडा कु बुललो तु उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि विश्वास कैर कि जु बुल्णु च उ हवे जालो त वेको उन ही हवे जालो।

मरकुस 4:31

परमेश्वर कु राज्य धरती पर सभि बीजों मा सबसे छुटा बीज का जन च जन रैई कु बीज कि जब धरती मा बुतै जांदु त धरती का सभि बाजों से छुटो हूंद।

मरकुस 9:23

यीशु ल वेकु बोलि, क्य तू बुल्णी छै कि, जु तुम कैरी सकदां; क्य त्वे तैं विश्वास नि च? विश्वास कनवळा कु सभि कुछ हवे सकदु।

लूका 1:37

परमेश्वर सब कुछ कैर सकद।

लूका 17:6

मि तुम मा सच-सच बुल्णु छौं जु कुई यु डांडा कु बुललो तु उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि भरोसो कैर कि जु बुल्णु छौं उ हवे जालो त वेको उन ही हवे जालो।

लूका 18:27

यीशु ल ऊंकी तरपां देखि के बोलि, “यु मनिख्युं बट्टी नि हवे सकद पर परमेश्वर कु सब कुछ संभव च।”

यूहन्ना 11:40

यीशु ल वेमा बोलि, “क्य मिल त्वे मा नि बोलि छो कि जु तू विश्वास करिली त परमेश्वर की महिमा तैं दिखली।”

1 कुरिन्थि 12:9

उ एक मनिख तैं मसीह मा विश्वास कनु कु वरदान दींद; अर दुसरा मनिख तैं पवित्र आत्मा चंगाई कु वरदान दींद।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

इब्रानी 3:19

“इन कै हम समझ सकदियां कि, ऊंल अविश्वास का कारण विश्राम की जगह मा प्रवेश नि कैरी साकी।”