मत्ती 17:2 - गढवली नयो नियम

² जब ऊंल वे जनै देखि त वेकु रुप बदली गै अर वेको मुक सूरज जन चमकि अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।

Garhwali

² अर ऊंका समणि वेको रुप बदलि गै, अर वेको मुख सूरज की तरौं चमकण लगि गै, अर वेका कपड़ा उज्याळा ह्‍वेके चमकण लगि गैनी।

मत्ती 17:2 ပူးပေါင်းရင်းမြစ်များ

मत्ती 17:1

एक हफ्ता का बाद यीशु ल पतरस याकूब अर यूहन्ना तैं अपड़ा दगड़ा मा लींनि अर सुनसान जगह मा उ दगड़ी एक डांडा पर चलि गैनी।

मत्ती 17:3

अर मूसा का दगड़ा एलिय्याह दिखेनि जु यीशु का दगड़ा बातचित कन दिखै गैनी।

मत्ती 28:3

वेको रूप बिजली का जन अर वेका कपड़ा पाला का समान उज्‍ज्वल हवे गैनी वेकी डौराल चौकिदार कांपी गैनी अर मुरयां जन हवे गैनी।

मरकुस 9:3

अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा अर इथग उज्यलो हवे गै कि धरती मा कुई भि धोबी वेकी बराबरी नि कैर सकदु।

लूका 9:29

जब उ परमेश्वर बट्टी प्रार्थना कनु छो त वेको चेहरा कु रूप बदलिगे अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 17:24

हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

दिब्य दरस 10:1

फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;

दिब्य दरस 20:11

फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।