मत्ती 16:18 - गढवली नयो नियम

¹⁸ अर मि भि त्वे मा बुल्णु छौं कि तु पतरस छै अर तु यु ढुंगा पर अपड़ी मण्डलि बंणौलु अर अधोलोक का फाटक वेको मुकाबला नि कैरी सकला।

Garhwali

¹⁸ अर मि त्वेसे बुल्दु, तू पतरस छैई, जैको मतलब चटान च। अर ईं चटान पर मिन अपणु समुदाय खड़ु करण। अर मौत की ताकत वे पर अपणु राज नि कैरी सकलि।

मत्ती 16:18 ပူးပေါင်းရင်းမြစ်များ

मत्ती 10:2

यूं बारह प्रेरितों का नौं यु छिन पैलो शमौन पतरस अर वेको भैय अन्द्रियास जब्दी को नौंनो याकूब अर वेको भैय यूहन्ना।

मत्ती 11:23

हे कफरनहूम शहर का लुखुं क्य तु स्वर्ग तक ऊंचो किये जैलि? तु त नरक तक मूड़ि किये जैलि जु चमत्कार का काम त्वे मा किये गैनी जु सदोम शहर मा किये जांदा त उ शहर आज तक बणयुं रौंदु।

मत्ती 18:17

जु उ ऊंकी भि नि मांणु त मण्डलि मा जै कै बोलि दे पर जु उ मण्डलि कि भि नि मांणु त वेका दगड़ी वे जन ही बरतौ किये जौं तुम कै अन्यजाति या चुंगी लींण वलो का दगड़ी किये जौ।

मत्ती 4:18

एक दिन गलील जिला कि झील का छाला ही छाला जै के यीशु ल शमौन पतरस अर वेको भैय अन्द्रियास तैं झील मा जाल डल्द देखि “किलैकि उ मछेर छा।”

मत्ती 7:24

“इलै जु कुई मेरी यूं बातों तैं सूंणि के मंणदु च उ वे बुद्धिमान मनिख जन होलो जैल अपड़ो घौर पौड़ की नींव पर बंणै।

यूहन्ना 1:42

अन्द्रियास शमौन पतरस यीशु का संमणी लैनि यीशु ल ऊं तैं देखि के बोलि, तु यूहन्ना कु नौंनो शमौन पतरस छै तु अब बट्टी कैफा मतलब पतरस कहलेली।

खास चेलों 2:47

अर पिता परमेश्वर की बढ़ै करदां छा अर सभि लोग ऊं बट्टी खुश छा अर प्रभु बचै जांणवला लुखुं तैं हरेक दिन मण्डलि मा मिलौंदु छो।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

खास चेलों 8:1

शाऊल स्तिफनुस की हत्या कन मा पूरा ढंग से सहमत छो। ऊं दिनों का बाद यरूशलेम शहर का विश्वासियों की मण्डलि पर भौत जादा अत्याचार हूंण लगि गै छो अर प्रेरितों तैं छोड़ उ सभि यहूदिया प्रान्त अर सामरिया प्रान्त मा छिल-बिल हवे गैनी।

1 कुरिन्थि 15:55

उन ही यु भि पूरो होलो, जु परमेश्वर का वचन मा लिख्युं च, “हे मौत कख च तेरी जय? हे मौत कख रै तेरु डंक?” इन कै, पिता परमेश्वर का वचन मा जु लिख्युं च उ पूरो होलो।

गलातियों 2:9

जु मनिख मण्डलि का अगुवा का रूप मा जंणै जांदा छा मतलब याकूब, पतरस जै कु कैफा भि बुलै जांद अर यूहन्ना ऊंल दया कु उ वरदान जांणि जु मि तैं मिल्युं च। ऊंल मि तैं अर बरनबास तैं अपड़ो दगड़िया समझी कै हमारी मदद कैरी। उ ईं बात कु राजी हवीनि कि हम अन्यजातियों मा जु खतनारहित छिनी शुभ संदेश सुणौंणु कु जावा अर उ यहूदियों मा।

इफिसुस 3:10

कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

इफिसुस 5:32

या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।

कुलुसी 1:18

उ ही देह यानि मण्डलि को मुंड च उ ही शुरुवात बट्टी च अर उ ही मुर्दों मा बट्टी ज्यून्दा हूंण वलो मा बट्टी पैलो च कि उ सभि बातों मा पैलो ठैरु।

1 तीमुथियुस 3:15

कि जु मेरा औंण मा देर हवे जौं त तु इन जांणि जै कि परमेश्वर का कुटुंब जु कि ज्यूंदा परमेश्वर कि मण्डलि च, अर यु विश्वासी उन ही सच्ची शिक्षाओं का समर्थन करदींनि अर ऊं तैं बणै रखदींनि जन नींव अर खम्बा कै घौर तैं सहारा दींद अर वे तैं मजबूत करदींनि।

1 तीमुथियुस 3:5

किलैकि जब कुई अपड़ा ही परिवार कु प्रबंध कन नि जंणदु हो, त उ पिता परमेश्वर कि मण्डलि कि देख-भाल कनके करलो?

इब्रानी 12:28

इलै हम तैं जु राज्य मिली, उन ही हिलै जालो, हम तैं यांको पिता परमेश्वर कु आभारी हूंण चयणु च, जैका द्वारा हम भक्ति, अर डौर मांणी कै पिता परमेश्वर की इन आराधना कैरी साका जै बट्टी उ खुश हवे सकद।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

दिब्य दरस 21:14

ऊंल शहर की दीवार बारह बड़ा-बड़ा ढंगों का मथि बणै छै, अर हर एक ढुंगा पर चिनखा का बारह प्रेरितों मा बट्टी एक-एक को नौं लिख्युं छो।