मत्ती 13:30 - गढवली नयो नियम

³⁰ लवैइ तक द्वी तैं दगड़ी बढण द्या अर लवैइ का बगत मि लवैइ कन वलो बट्टी बुललु कि पैली जंगली बीज कि बिज्वाड़ बटोरी के फुकणु कु ऊंका पूला बंधि ल्या अर ग्यूं का बीज तैं मेरा कुठार मा कठ्ठा कैरा।

Garhwali

³⁰ इलै सुणा, लवै का बगत तक दुईयों तैं बढण द्‍या, अर जब लवै का बगत ऐ जालु त मि लवै करण वळु कू बोललु, कि पैलि जंगळि ग्यूँ का पौधों तैं पूळा बणै के आग मा डलणु खुणि जमा कैरा, अर ग्यूँ तैं मेरा कुठार मा इकट्‍ठा कैरा।’”

मत्ती 13:30 ပူးပေါင်းရင်းမြစ်များ

मत्ती 13:25

पर जब लोग सिणा छा त वेका दुश्मन शैतान ल पुंगड़ा मा ऐ के ग्यूं का बीज का बीच जंगली बीज बूतिके चलि गै।

मत्ती 13:29

वेल बोलि, न इन नि कैरा कि जंगली बीज कि बिज्वाड़ जौड़ा बट्टी उखड़दा दफा तुम ऊं दगड़ी ग्यूं को बीज भि उखाड़ि द्या।

मत्ती 25:32

अर सब जातियों का लोग मेरा संमणी कठ्ठा करे जालि अर जन बकरोलु ढिबरा तैं बकरुं बट्टी अलग कैरी दींदु उन ही उ, ऊं तैं एक हैंका बट्टी अलग करलो।

मत्ती 25:41

तब उ अपड़ा बैंं तरपां वलो कु बुललो हे श्रापित लुखुं मेरा संमणी बट्टी वीं अनन्त आग मा चलि जावा जु शैतान अर दुष्टदूतों कु परमेश्वर ल तैयार करीं च।

मत्ती 3:12

वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं को बीज तैं अपड़ा भंडार मा कट्ठा करलो पर भूसा तैं आग मा फूंकी दयाला ज्वा बुझी नि सकदी।”

लूका 3:17

वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं का बीज तैं अपड़ा भंडार मा कट्ठा करलो पर भूसा तैं वीं आग मा फूंकी दयाला जु कभी नि बुझदि।

यूहन्ना 15:6

जु कुई मि मा बणयुं नि रालो त उ फौंकि कि तरौं फुंड ढुलै जांदु अर सूखि जांदु” अर लोग वे तैं बटोरी कै आग मा झौंकि दींद अर उ फुके जांद।

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

1 तीमुथियुस 5:24

मि त्वे बट्टी बुल्णु छो कि अध्यक्षों की नियुक्ति मा जल्दीबाजी नि कैरा किलैकि कुछ लोग खुला रूप मा पाप करदींनि, अर न्याय हूंण से पैली उ विश्वासियों का संमणी भंगारी छिनी पर और लुखुं का पाप बाद मा दिखेदिंनि।