मत्ती 12:41 - गढवली नयो नियम

⁴¹ नीनवे का लुखुं का न्याय का दिन यु बगत का लुखुं दगड़ी खड़ा हवे के ऊं तैं भंगारी ठैराला किलैकि ऊंल त योना प्रचार सूंणि के मन फिरै पर तुम मन फिरण से माना करद्यां अर देखा इख उ च जु योना बट्टी भि बड़ो च।

Garhwali

⁴¹ अर नीनवे नगर का लोग भि न्याय का दिन पर ये जमना का लोगु का दगड़ा मा खड़ा होला अर तुमतै दोषी ठैराला, किलैकि ऊंन योना रैबर्या का द्‍वारा कियां परचार तैं सुणी के पस्ताप कैरी। पर सुणा, इख त उ च जु की योना रैबर्या से भि महान च, पर तुम वे पर बिस्वास नि करद्‍यां।

मत्ती 12:41 ပူးပေါင်းရင်းမြစ်များ

मत्ती 12:39

इलै यीशु ल ऊं तैं जवाब दींनि तुम चिन्ह चांदा छा किलैकि तुम बुरा छा अर विश्वास नि करदा इलै जु एकमात्र चिन्ह तुम तैं मिलालो उ परमेश्वर का तरपां बट्टी बुल्ण वला योना का दगड़ी जु हवे छो वे तैं छोड़ी कै और कुई चमत्कार अर चिन्ह नि दिए जालो।

मत्ती 12:42

दक्षिण देश की राणी न्याय का दिन ये बगत का लुखुं का दगड़ी खड़ी हवे के ऊं तैं भंगारी ठैरालि किलैकि व राजा सुलैमान ज्ञान सुंणु कु धरती का एक छोड़ बट्टी ऐ पर तुम मन फिरण से माना करद्यां।

मत्ती 12:45

तब दुष्टात्मा जै के अफ बट्टी सात बुरी दुष्टात्मा तैं अफ दगड़ी लौंदि अर उ वेमा मनिख मा घुस के वास करदी, वे मनिख की पिछली दशा पैली दशा से भि बुरी हवे जांदी यु बगत का लुखुं का दगड़ी इन ही हवेलि।

मत्ती 12:6

मि तुम तैं बुल्णु छौं कि यांको क्य मतलब च मि तुमारा संमणी अयुं छों अर मि यरूशलेम शहर का मन्दिर से भि जादा बढ़कै छों।

मत्ती 16:4

यु युग का बुरा अर व्यभिचारी लोग चमत्कार का चिन्ह ढुंडणा छिन पर योना परमेश्वर का तरपां बट्टी बुल्ण वला का चिन्ह तैं छोड़ी के कुई और चिन्ह ऊं तैं नि दिये जालो अर उ, ऊं तैं छोड़ी के चलि गै।

मत्ती 17:17

यीशु ल ऊं तैं जवाब दे के बोलि, हे अविश्वासी लुखुं मि कब तक तुम दगड़ी रौलु? अर कब तक तुमारा अविश्वास तैं सैंण रौलु वे तैं इख मि मा लावा।

मत्ती 23:36

मि तुम मा सच बुल्णु छौं यु सभि हत्याओं की सजा इन पीढ़ी का लुखुं पर ऐ पोड़िलि।

लूका 11:32

नीनवे का लुखुं का न्याय का दिन यु बगत का लुखुं दगड़ी खड़ा हवे के ऊं तैं भंगारी ठैराला किलैकि ऊंल त योना कु प्रचार सूंणि के मन फिरै अर देखा इख उ च जु योना से भि बड़ो च।

यूहन्ना 3:31

जु स्वर्ग बट्टी औंदु उ श्रेष्ट च जु धरती बट्टी औंणु उ धरती कु ही च अर धरती कि बात बुल्द जु स्वर्ग बट्टी औंणु उ सबसे बड़ी के च।

यूहन्ना 4:12

क्य तु हमारा पूर्वज याकूब से बड़ो छै जैल हम तैं यु कुआँ दींनि अर उ अर वेकी सन्तान अर अपड़ा गोर बछरा समेत वेमा बट्टी पांणी पींदा छा?

रोमियों 2:27

अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

इब्रानी 11:7

विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।