मत्ती 10:16 - गढवली नयो नियम

¹⁶ “देखा मि तुम तैं ढिबरों का जन भेड़ियों का बीच मा भिजद इलै गुरो जन बुद्धिमान अर कबूतर जन भोला बंणा।”

Garhwali

¹⁶ अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

मत्ती 10:16 ပူးပေါင်းရင်းမြစ်များ

मत्ती 24:25

पर तुम चकडैति से रयां मिल सभि घटनाओं तैं तुम तैं पैली बट्टी बतयले।

मत्ती 24:45

“अर उ भरोसो का लैख अर बुद्धिमान सेवक कु च जै तैं स्वामि ल अपड़ा नौकर-चाकरों पर मुखिया ठैरे, कि बगत पर ऊं तैं खांणु द्यो?”

मत्ती 25:2

ऊंमा बट्टी पाँच त मूर्ख छै अर पाँच समझदार छै।

मत्ती 25:4

पर समझदा अणबिवाकों ल अपड़ा दिवडों का दगड़ा अपड़ी कुप्पियुं मा जैतून कु तेल भि भोरि दींनि।

मत्ती 25:9

पर समझदार अणबिवाकों ल बोलि “न त यु तेल ल हम कु पूरो हूंण अर न तुम कु। ठिक त यु च कि तुम बजार जै के अफ कु तेल मोल ल्यावा।”

लूका 10:3

जावा देखा मि तुम तैं ढिबरों का समान भेड़ियों का बीच मा भिजणु छौं।

लूका 21:15

किलैकि मि तुम तैं इना बोल, अर बुद्धि दयुलु, कि तुमारा विरोधी सामना खंडन नि कैरी सकला।

खास चेलों 20:29

मि जंणदु छौं कि मेरा जांणा का बाद झूठा शिक्षक आला अर विश्वासियों तैं भौत दुःख पौंछांला उ वे फड़ण वला भेड़ियों का जन होला जु ढिबरों तैं मारि दींदिनि।

1 कुरिन्थि 14:20

हे विश्वासी भयों, यूं बातों तैं समझण मा छुटा बच्चों का जन नि बणा; जब बुरै कि बात औंद त एक बच्चा का जन निर्दोष रावा, पर समझण मा सयांणा बणा।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 11:14

अर यु कुछ चौंकणै की बात नि च किलैकि शैतान आप भि पिता परमेश्वर की महिमा कु एक स्वर्गदूत हूंणो कु दिखावा करद।

2 कुरिन्थि 11:3

पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।

2 कुरिन्थि 8:20

हम ईं बात मा चौकस रां, कि तीतुस का दगड़ी वे विश्वासी दगड़िया तैं भिजणा का द्वारा यु उदारता का काम का बारा मा जै की सेवा हम करदा, कुई हम पर भंगार नि लगौंण पौ।

फिलिप्पी 2:15

किलैकि तुम निर्दोष अर सीधा हवे के टेढ़ा अर भ्रष्ट लुखुं का बीच मा पिता परमेश्वर कि निष्कलंक सन्तान बंणि के रै सक्यां, तुम ईं दुनिया का लुखुं का बीच मा आकाश का गैणों का जन चमका, जब तुम ऊं तैं उ वचन बतांद छा जु हमेशा कु जीवन दींदी,

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

कुलुसी 4:5

हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।

1 थिस्सलुनीकी 2:10

तुम अफी गवाह छा, अर पिता परमेश्वर भि गवाह च कि तुम सभि विश्वासियों का बीच मा हमारो बरतौ कन सचो, अर धार्मिक अर निर्दोष रै।

1 थिस्सलुनीकी 5:22

सब किस्मै कि बुरै बट्टी दूर रावा।