मत्ती 1:1 - गढवली नयो नियम

¹ या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

Garhwali

¹ प्रभु यीशु मसीह का पितरों का नौ की सूची इन च, कि यीशु जु की राजा दाऊद का वंश मदि, अर राजा दाऊद अब्राहम का वंश मदि छौ। अर पितर अब्राहम बटि यीशु मसीह तक जनम्यां लोगु का नौ कुछ इन छिन।

मत्ती 1:1 ပူးပေါင်းရင်းမြစ်များ

मत्ती 1:18

यीशु मसीह कु पैदा हूंण से पैली इन हवे कि जब वेकी ब्वे मरियम कि मंगण यूसुफ दगड़ी हवे छै त ऊंका ब्यो हूंण से पैली जब व कुँवारी छै, तब व पवित्र आत्मा कि सामर्थ बट्टी गर्भवती हवे।

मत्ती 1:2

अब्राहम बट्टी इसहाक पैदा हवे, इसहाक बट्टी याकूब पैदा हवे अर याकूब बट्टी यहूदा, अर वेका भैय पैदा हवेनि।

मत्ती 15:22

वे प्रदेश मा एक कनानी जाति कि एक जनन छै व चिल्लै कै बुल्ण लगि गै, “हे प्रभु दाऊद कि सन्तान मि पर दया कैर मेरी नौंनि तैं दुष्टात्मा भौत सतौंणी च।”

मत्ती 3:16

अर जब यीशु बपतिस्मा लै के पांणी बट्टी भैर निकली के मथि ऐ अर वेल स्वर्ग तैं खुल्यूं देखि अर परमेश्वर की आत्मा तैं कबूतर का रूप मा अपड़ा मथि औंण देखि।

मत्ती 9:27

जब यीशु उख बट्टी अगनैं बड़ी त द्वी अंधा वेका पिछनै यु चिल्लांदि ऐनी कि “हे यीशु, राजा दाऊद की संतान हम पर दया कैरा।”

लूका 1:33

अर याकूब का वंशजों पर सदनी राज्य करलो अर वेका राज्य कु अंत कभि नि होलो व हमेशा कु राजा का रूप मा राज्य करलो व हमेशा कु राजा का रूप मा राज्य करलो।

यूहन्ना 7:42

परमेश्वर का वचन मा लिख्युं च कि मसीह राजा दाऊद का वंश बट्टी अर बैतलहम गौं बट्टी आलो जख राजा दाऊद रौंदु छो।

खास चेलों 2:30

पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।

रोमियों 1:3

यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

रोमियों 4:13

पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

2 तीमुथियुस 2:8

हमेशा यीशु मसीह तैं याद रख, जु राजा दाऊद को वंश च, अर पिता परमेश्वर ल वे तैं मुर्दों मा बट्टी ज्यूँदो कैरी; अर यूं उ ही शुभ सन्देश च, जु मि लुखुं का बीच मा प्रचार करदु।

दिब्य दरस 22:16

यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।