लूका 9:11 - गढवली नयो नियम

¹¹ यु जांणि के भीड़ वेका पिछनैं चलण लगि गै अर उ खुशी से वे बट्टी मिली अर ऊं बट्टी परमेश्वर का राज्य कि बात कन लगि गे: अर जु खूब हूंण चांणा छा ऊं तैं खूब कैरी।

Garhwali

¹¹ पर लोगु तैं पता चलि गै, इलै ऊ वेका पिछनै जाण लगि गैनी। अर यीशु न भि ऊंको स्वागत कैरी, अर ऊं बटि परमेस्वर का राज की बात करण लगि गै, अर जु खूब होण चाणा छा ऊंतैं खूब कैरी।

लूका 9:11 ပူးပေါင်းရင်းမြစ်များ

मत्ती 12:15

यु जांणि के यीशु उख बट्टी चलि गै। अर भौत लोग वेका पिछनैं हवे गैनी अर वेल सभियूं तैं खूब कैरी।

मत्ती 14:14

वेल उख बट्टी निकली के एक बड़ी भीड़ देखि अर ऊं पर तरस खै अर ऊंका बिमारों तैं खूब कैरी।

मत्ती 21:31

यूं द्वीयूं मा बट्टी कैल बुबा कि मनसा पूरी कैरी? ऊंल बोलि “पैली वला ल” यीशु ल ऊंमा बोलि “मि तुम मा सच बुल्णु छौं कि चुंगि लींण वला अर वैश्या तुम से पैली परमेश्वर का राज्य मा प्रवेश करदींनि।”

मत्ती 21:43

इलै मि तुम मा बुल्णु छौं कि परमेश्वर कु राज्य तुम मा बट्टी लिये जालो अर अन्य-जाति तैं दिये जालो ऊं मांग करला।

लूका 1:53

वेल भूखों तैं भलि चीजों से तृप्त कैरी अर धनवानों तैं खाली हथ निकाली दींनि।

लूका 5:31

यीशु ल ऊं तैं जवाब दींनि, “भला चंगों तैं वैध की जरूरत नि च पर बिमारों तैं च।”

लूका 8:1

यांका का बाद यीशु शहर-शहर अर गौं-गौं मा प्रचार करदी अर परमेश्वर का राज्य कु शुभ सन्देश प्रचार सुंणौदि फिरण लगि अर बारह चेला वेका दगड़ी छा।

लूका 8:10

यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”

लूका 9:10

फिर बारह प्रेरितों ल वापिस लौटि के जु कुछ ऊंल कैरी अर सिखै छो सब यीशु तैं बतै अर वेल ऊं तैं अलग कैरी कै बैतसैदा नगर मा लीगि।

लूका 9:12

जब शाम हवे गै त बारह चेला ल वेमा ऐ के बुल्ण लगि गैनी भीड़ तैं विदा कैर कि चारों तरपां का गौं अर बस्तियों मा जै के रौंणु कु जगह अर खांणु कु इंतजाम कैरो किलैकि हम इख एकांत जंगल म छा।

लूका 9:2

अर बारह चेलों तैं परमेश्वर का राज्य कु प्रचार कनु कु अर बिमारों तैं खूब कनु कु भेजि।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

यूहन्ना 6:37

जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।

खास चेलों 28:31

अर उ बगैर कैं रुकावट का निडर हवे के पिता परमेश्वर को राज्य को प्रचार करदो छो अर प्रभु यीशु मसीह का बारा मा शिक्षा दींदु छो।

रोमियों 10:14

पर मसीह पर जौं लुखुं ल विश्वास नि कैरी, उ वे बट्टी प्रार्थना किलै कैरा? अर जु ऊंल वेका बारा मा नि सूंणि त वे पर कन के विश्वास कैरी सकदींनि? जु कुई प्रचारक नि हो, त उ वेका बारा मा कन कै सूंणि सकदींनि?

रोमियों 10:17

इलै विश्वास तब आंद जब हम शुभ संदेश सुणदा छा, अर यु शुभ संदेश मसीह का द्वारा बुलै गै बात छिनी।

रोमियों 15:3

किलैकि मसीह ल अपड़ा आप तैं खुश नि कैरी, पर जन परमेश्वर का वचन मा लिख्युं च, “तेरी निंदा कन वलो ल मेरी भि निंदा कैरी।”

2 तीमुथियुस 4:2

कि तू पिता परमेश्वर का वचन को प्रचार कु तैयार रौ, जब लोग त्वे बट्टी सुनण चदींनि अर जब लोग त्वे बट्टी नि भि सुनण च तब भि, जब तु देखि की लोग बुरै कना छिनी, अर पाप मा लगयां छिनी, पर त्वे तैं ऊं तैं बड़ा सब्र रखि के शिक्षा दे के झिड़क अर समझौण चयणु च।

इब्रानी 4:16

इलै आवा हम साहस का दगड़ी पिता परमेश्वर का संमणी आं, जु दयालु च, कि हम पर कृपा हो अर हम वीं कृपा तैं पां, जु जरूरत का बगत मा हमारी मदद करदी।