लूका 8:1 - गढवली नयो नियम

¹ यांका का बाद यीशु शहर-शहर अर गौं-गौं मा प्रचार करदी अर परमेश्वर का राज्य कु शुभ सन्देश प्रचार सुंणौदि फिरण लगि अर बारह चेला वेका दगड़ी छा।

Garhwali

¹ अर येका बाद यीशु परमेस्वर का राज को शुभ समाचार लोगु तैं सुणौन्द-सुणौन्द, नगर-नगर अर गौं-गौं मा घूमणु रै। अर वेका बारह चेला भि वेका दगड़ा मा छा।

लूका 8:1 ပူးပေါင်းရင်းမြစ်များ

मत्ती 11:1

जब यीशु ल अपड़ा बारह चेलों तैं उपदेश दियेलि छै त तब यीशु भि ऊंका गलील जिला का नगरों मा शिक्षा अर प्रचार कनु कु उख बट्टी चलि गै।

मत्ती 13:19

जु कुई परमेश्वर को वचन सूंणि के नि संमझुदो वेका मन मा जु कुछ बुतै गै छो वे तैं उ दुष्ट शैतान ऐ के लूछि के लिजांदु यु उ ही च जु बट्टा किनारा बुतै गै छो।

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

मत्ती 9:35

अर तब यीशु अर वेका चेला गलील जिला का भौत शहरों मा हवे के गैनी अर यहूदियों का मिलणा का भवन मा वचन की शिक्षा दींद अर परमेश्वर का राज्य को शुभ सन्देश प्रचार करदी अर लुखुं कि सभि बिमारी अर कमजोरि तैं दूर करदी।

मरकुस 1:39

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के प्रचार करदी अर दुष्टात्मा तैं निकलदी रैनी।

लूका 1:80

अर उ नौंनो यूहन्ना बढ़दी रै अर आत्मा मा मजबूत हूंदी रै अर उ इस्राएल का लुखुं का बीच मा उपदेश दींण का दिन तक एकांत जंगलों मा रै।

लूका 20:1

एक दिन इन हवे कि जब यीशु यरूशलेम शहर का मन्दिर मा लुखुं तैं उपदेश दींणु छो अर शुभ सन्देश प्रचार सुणौंणु छो त प्रधान याजक, दाना-सयाणों अर मूसा की व्यवस्था तैं सिखांण वला का दगड़ी ऐ के

लूका 4:18

परमेश्वर की आत्मा मि पर च इलै की वेल कंगालों तैं शुभ संदेश सुणौंणु कु मेरू अभिषेक कैरी अर मि तैं इलै भेजि कि कैदियों तैं छुटकारा कु अर अंधों तैं आंखा दींणु कु शुभ सन्देश प्रचार कैर अर दबयां लुखुं तैं छुणौं।

लूका 9:6

अर उ निकली के गौं-गौं शुभ सन्देश प्रचार सुंणौदि अर हर कखि लुखुं तैं खूब करदी फिरदी रैनी।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 13:32

अर हम तुम तैं वीं सौं का बारा मा जु हमारा पुरणो बट्टी पिता परमेश्वर ल कैरी छै, यु शुभ सन्देश प्रचार सुनांणा छा।

रोमियों 10:15

अर यां बट्टी पैली की कुई जै कै ऊं तैं बतै साको, वे मनिख तैं भिजै जांण चयणु च; जन परमेश्वर का वचन मा लिख्युं च, “यु इथग अद्भुत च कि शुभ सन्देश प्रचार कन वला लोग आंणा छिनी।”