लूका 6:27 - गढवली नयो नियम

²⁷ पर मि तुम मा यु बुल्ण छौं कि अपड़ा बैरियों से प्रेम रखा जु तुम दगड़ी बैर रखदींनि ऊंकु भलो कैरा।

Garhwali

²⁷ अर यीशु न इन भि बोलि, “हे सुनण वळो, मि तुमतै बतै देन्दु, कि तुम अपणा दुसमनों बटि प्यार कैरा, अर जु तुम बटि नफरत करदिन ऊंका दगड़ा मा भलै कैरा।

लूका 6:27 ပူးပေါင်းရင်းမြစ်များ

मरकुस 4:24

फिर यीशु ल ऊंमा बोलि, सचेत रावा कि क्य सुंणदा? जै नाप से तुम नपदा छा वे ही नाप से तुम कु भि नपे जालो अर तुम तैं बिजां दिये जालो।

लूका 23:34

तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

लूका 6:22

धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।

लूका 6:35

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

लूका 8:15

पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।

लूका 8:18

इलै चौकस रावा कि तुम कनके सुंणदा? किलैकि जै मा थोड़ी भि मेरी बातों तैं समझणु की समझ च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च जै तैं उ अपड़ो समझुदु।

लूका 8:8

पर कुछ बीज अच्छी भूमि मा पोड़िन अर उगि के सौ गुणा फल लै यु बोलि के वेल ऊंची आवाज मा बोलि, “जु कुई ईं बात तैं सूंणि सकदु जु मि बुल्ण छौं उ यु तैं समझ भि ल्यो।”

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।

खास चेलों 16:28

पर पौलुस ल जोर से चिल्लै कै बोलि, कि “अफ तैं कुई नुकसान नि पौंछो, किलैकि हम सभि इखि छा।”

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

गलातियों 6:10

इलै जख तक मौका मिलो, हम सभि लुखुं दगड़ी भलै कैरा; खास कैरी कै मसीह विश्वासी का भयों का दगड़ी।

1 थिस्सलुनीकी 5:15

ईं बात को ध्यान रखा कि कुई भि कै दगड़ी बुरै का बदला मा बुरै नि कैर; पर सदनी भलै कनु कु तैयार रावा अर सभियूं दगड़ी भलै कने कोशिश कैरा।

3 यूहन्ना 1:11

हे प्रिय, ऊं लुखुं कि नकल नि कैरा जु बुरा काम करदींनि, बल्कि ऊं लुखुं को आज्ञा कु पालन कैरा जु कुई अच्छो कर्म करदो, त यु बतांद कि उ परमेश्वर कि सन्तान च। पर जब कुई बुरा काम करदु, त उ दर्शादों कि उ परमेश्वर तैं नि जंणदो।