लूका 5:17 - गढवली नयो नियम

¹⁷ अर एक दिन इन हवे कि उ उपदेश दींणु छो अर फरीसी अर मूसा की व्यवस्था तैं सिखांण वला उख बैठयां छा जु गलील जिला अर यहूदिया प्रान्त का हरेक गौं बट्टी अर यरूशलेम शहर बट्टी ऐ छा अर खूब कनु कु प्रभु कि सामर्थ यीशु का दगड़ी छै।

Garhwali

¹⁷ अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै।

लूका 5:17 ပူးပေါင်းရင်းမြစ်များ

मत्ती 11:5

कि अंधा दिखणा छिन अर लूला लंगड़ा हिटणा छिन कोढ़ी शुद्ध कि यु जांणा छिन अर बैहरा सुनणा छिन मुर्दा ज्यूंदा कि यु जांणा छिन अर गरीबों तैं शुभ सन्देश प्रचार सुंणये जांणु च।

मत्ती 15:1

तब यरूशलेम शहर बट्टी फरीसियों अर मूसा की व्यवस्था तैं सिखांण वला यीशु मा ऐ के बुल्ण लगि गैनी।

मरकुस 1:45

पर उ भैर जै के यूं बातों कु भौत सारा लुखुं मा प्रचार कन लगि गै, कि यीशु फिर खुलि के और शहरों मा नि जै सैकी, पर भैर एकांत जंगली जगहों मा रै अर सभि जगह बट्टी लोग वेमा औंणा रैनी।

मरकुस 16:18

जु उ जहरीला गुरो तैं उठै द्याला त गुरो भि ऊं तैं नुकसान नि पौछांला अर उ जु कुई जहरीली चीज भि प्ये द्याला तब भि ऊंकु कुई भि नुकसान नि होलो उ बिमारों पर हथ रखि के परमेश्वर बट्टी प्रार्थना करला अर उ खूब हवे जाला।

मरकुस 3:22

यु लोग मूसा की व्यवस्था तैं सिखांण वला छा जु यरूशलेम शहर बट्टी ऐ छा यु बुल्णा छा कि वे पर शैतान लग्युं च अर यु भि कि उ दुष्टात्मा का सरदार शैतान की मदद ल दुष्टात्मा तैं निकलदु च।

मरकुस 5:30

यीशु भीड़ मा पिछनै घूमी अर पूछि मेरा चौला तैं कै ल छवे? किलैकि वेल वे ही बगत अफ मा जांणि लींनि कि मि मा बट्टी सामर्थ निकली।

मरकुस 7:1

फिर एक दिन फरीसियों अर मूसा की व्यवस्था तैं सिखांण वला जु यरूशलेम शहर बट्टी वे तैं सुनणु कु ऐ छा उ वेका संमणी कट्ठा हवेनि

लूका 15:2

पर फरीसी अर मूसा की व्यवस्था तैं सिखांण वला कुड़कड़ै कै बुल्ण लगि गैनी “यु त पापियों तैं मिल्द जुलदो च अर ऊंका दगड़ा मा खांणु भि खांदु।”

लूका 2:46

अर तीन दिन का बाद ऊंल वे तैं यरूशलेम शहर का मन्दिर का चौक मा उपदेशकों का बीच मा बैठयूं अर ऊंकी सुणद अर ऊं बट्टी सवाल करद पै।

लूका 5:21

तब कई मूसा की व्यवस्था तैं सिखांण वला अर फरीसी अपड़ा मन मा विचार कन लगि गैनी कि यु मनिख इन कन कै बोलि सकदु? यु त परमेश्वर की बुरै कनु च भस परमेश्वर ही पाप माफ कैरी सकदु।

लूका 5:30

अर मूसा की व्यवस्था तैं सिखांण वला ल अर फरीसियों यीशु का चेलों बट्टी यु बोलि के कुड़कुड़ाण लगि गैनी “तुम चुंगि लींण वलो अर पापियों का दगड़ी किलै खांदी पींदा।”

लूका 6:19

अर सभि यीशु तैं छूंण चांदा छा किलैकि वेमा बट्टी सामर्थ निकली के सभियूं तैं खूब करदी छै।

लूका 7:30

पर फरीसियों ल अर मूसा की व्यवस्था तैं सिखांण वलो ल यूहन्ना बट्टी बपतिस्मा लींण से इन्कार कैर दींनि अर परमेश्वर कि मनसा तैं अपड़ा बारा मा टालि दींनि।

लूका 8:46

तब पतरस अर वेका दगड़ियों ल बोलि, “हे स्वामि तु दिखणी छै कि भीड़ त्वे पर गिरदि पड़दि अर तु बुल्णी छै कि कैल मि तैं छवे? तब यीशु ल चौतरफी देखि की जांणि साको की कैल मि तैं छवे किलैकि वेल जांणयाली छो की वे बट्टी सामर्थ निकली।”

यूहन्ना 3:10

यु सूंणि के यीशु ल वे तैं उत्तर दे, “तु इस्राएल का लुखुं का घराना मा एक महान शिक्षक छै त्वे तैं वास्तव मा यूं बातों तैं समझण चयणु च?

यूहन्ना 3:21

पर जु सच पर चलदो, उ उज्यला मा औंदु च किलैकि वेका काम प्रगट हूंनु कि उ जु परमेश्वर चांदु च कि उ कैरो किये गै छा।”

खास चेलों 19:11

परमेश्वर पौलुस का द्वारा सामर्थ का भौत बड़ा-बड़ा चमत्कार का काम दिखांदु छो।

खास चेलों 4:30

खूब कनु कु अपड़ो हथ बड़ो की अद्भुत काम अर चमत्कार का काम तेरु पवित्र सेवक यीशु का नौं से करे जौनु।”

खास चेलों 5:34

पर गमलीएल नौं को एक फरीसी अर मूसा की व्यवस्था तैं सिखांण वलो अर सब लुखुं मा जंणयूं-मंणयूं छो वेल महासभा मा खड़ो हवे के चेलों तैं जरा देरो कु भैर लिजांणै आज्ञा दे दींनि।