लूका 24:44 - गढवली नयो नियम

⁴⁴ फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

Garhwali

⁴⁴ तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

लूका 24:44 ပူးပေါင်းရင်းမြစ်များ

मत्ती 1:22

यु सब इलै हवे कि सब पूरो हो, यशायाह जु परमेश्वर का तरपां बट्टी बुल्ण वलो छो वेका द्वारा परमेश्वर ल यीशु का जन्म का बारा मा बोलि छो,

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

मत्ती 26:54

पर परमेश्वर का वचन की उ बात पूरी कनके हवेलि जै मा इन लिख्युं च कि इन ही हूंण जरूरी च?

मत्ती 26:56

पर यु इलै हवे कि परमेश्वर का तरपां बट्टी बुल्ण वलो का वचन कि बात पूरी हूंनु “तब सभि चेला वे तैं छोड़ी के भागि गैनी।”

मरकुस 9:31

किलैकि यीशु अपड़ा चेलों का दगड़ी मा और रांण चयणु छो अर ऊं तैं और शिक्षा दींण चांणु छो ऊंकु बुल्द छो कि “मि मनिख कु नौंनो मनिख्युं का हथ बट्टी पकड़वे जालो अर ऊंल मि तैं मारि दींण अर फिर मिल मौत का तीन दिन बाद ज्यूँदो हवे जांण।”

लूका 21:22

किलैकि यु बदला लींणु को इन दिन होला, जु पवित्र शास्त्र लिखीं सभि बात पूरी हवे जालि।

लूका 22:37

किलैकि मि तुम मा बुल्ण छौं कि परमेश्वर का वचन मा मेरा बारा मा लिख्युं च उ पूरो हो, की उ अपराधियों का दगड़ी गिणे गै, यूं बातों को मि पूरो हूंण जरूरी च, किलैकि मेरा बारा मा लिखीं बातों को पूरो हूंण जरूरी च।”

लूका 24:46

तब यीशु ल ऊंकु बोलि, “परमेश्वर का वचन मा इन लिख्युं च कि मसीह कु दुख उठांण अर तिसरा दिन मुर्दों मा बट्टी ज्यूँदो हवे जांण।”

लूका 9:22

अर वेल बोलि, “मि मनिख कु नौंनो कु जरूरी च कि उ भौत दुःख उठौ अर लुखुं का दाना-सयाणों, प्रधान याजक अर मूसा की व्यवस्था तैं सिखांण वलो वे तैं तुच्छ जांणि के मारि दयूंनु अर उ तीन दिन का बाद फिर ज्यूँदो हवे जालो।”

लूका 9:44

यु बात तुमारा कंदुडू मा पोड़ि रौनु किलैकि “मि मनिख कु नौंनो” मनिख्युं का हथ से पकड़वे जौलु।

यूहन्ना 3:14

और जै ढंग से मूसा ल एकांत जंगल म पीतल कु गुरो तैं ऊँचा पर चड़ै वे ही ढंग से जरूरी च कि मि मनिख कु नौंनो भि ऊँचा पर चड़ै जौं।

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

यूहन्ना 5:46

जु तुम मूसा पर विश्वास करद्यां, त मि पर भि विश्वास करद्यां, इलै की वेल मेरा बारा मा परमेश्वर का वचन का लेखों मा लिख्युं च।

खास चेलों 13:33

पिता परमेश्वर ल यीशु तैं मुरयां बट्टी ज्यूँदो कैरी, उ ही वादा वेल ऊंका वंशजों कु पूरा कैरी। जन कि भजन संहिता की किताब वेका दुसरा संख्या मा नौंनो का बारा मा पिता परमेश्वर ल बोलि, “कि तू मेरू नौंनो छै अर आज बट्टी मि तेरु बुबा बंणि ग्यूं”

खास चेलों 13:40

इलै चौकस रावा, इन नि हो, कि जु परमेश्वर का तरपां बट्टी बुल्ण वलो का तरपां बट्टी किताब मा लिख्युं च, तुम पर भि ऐ जौं।

खास चेलों 2:27

किलैकि तू मि तैं मुर्दों मा नि रौंण दीलि अर अपड़ा पवित्र जन तैं अधोलोक मा सड़ण भि नि दीलि।

खास चेलों 3:18

पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।

खास चेलों 7:37

“यु उ ही मूसा च, जैल इस्राएलियों कु बोलि, पिता परमेश्वर तुमारा विश्वासी भयों मदि तुम कु मि जन एक परमेश्वर का तरपां बट्टी बुल्ण वला बंणालु”

इब्रानी 10:1

मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।

इब्रानी 3:5

मूसा त पिता परमेश्वर का घौर का सैरा लुखुं कु एक सेवक का जन विश्वासयोग्य रै, कि जु कुछ मूसा ल कैरी उ यु बतांद जु पिता परमेश्वर बाद मा बुल्ण वलो छो।

इब्रानी 7:1

यु मलिकिसिदक शालेम शहर कु राजा अर सबसे बड़ा पिता परमेश्वर कु याजक छो; वेको नौं कु मतलब छो “न्याय का दगड़ी शासन कन वलो राजा” अर शालेम का राजा कु मतलब च “शान्ति कु राजा” जब अब्राहम चार राजाओं तैं मारि के लौटि छो, तब मलिकिसिदक याजक वे तैं मिली अर वे तैं आशीष द्ये, अब्राहम ल मलिकिसिदक याजक तैं युद्ध मा जितण का बाद जु कुछ भि मिली छो, वेल वीं सभि चीजों कु दसवां हिस्सा (दशमांश) द्ये छो। जैको न त बुबा, न ब्वे, न वंशावली च, जै की न त दिनों की शुरुआत अर न जीवन कु अन्त च; पर पिता परमेश्वर का नौंनो का स्वरूप ठैरी कै उ हमेशा कु याजक बणयुं रै।

इब्रानी 9:8

यूं रीतियों का द्वारा जु पिता परमेश्वर चांदो छो कि याजक कैरा, पवित्र आत्मा हम तैं कुछ बतांद; मतलब यु कि स्वर्ग मा पिता परमेश्वर की वास्तविक परम पवित्र यरूशलेम शहर कु मन्दिर तब तक लुखुं कु खुली नि च जब तक ईं धरती पर मिलाप वला तम्बू अर ऊंकी विधियों तैं मणदींनि, अर यांको दीं पूरी व्यवस्था जब तक की पूरी न किये जौं।

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।