लूका 24:4 - गढवली नयो नियम

⁴ जब उ इन बात बट्टी भौचक्‍की हूंणा छा त देखा, द्वी आदिम सफेद कपड़ा पैरियां खड़ा छा।

Garhwali

⁴ अर यू देखि के वु बड़ी उळझण मा पोड़ि गैनी, कि तबरि दुई मनखि ऊंका समणि ऐके खड़ा ह्‍वे गैनी, अर ऊंका चमकिला कपड़ा पैरयां छा।

लूका 24:4 ပူးပေါင်းရင်းမြစ်များ

मरकुस 16:5

पर जब उ कब्र पर पौछिनी अर भितर जै कै ऊं तैं एक जवान आदिम चमकदार सफेद कपड़ोंं मा दैंणि तरपां बैठयूं देखि त तब उ भैचक मा पोड़ि गैनी।

लूका 2:9

अर प्रभु को एक स्वर्गदूत ऊंका संमणी खड़ो हवे अर प्रभु को महिमा को उज्ज्वल ऊंका चौतरफी चमकी अर तब उ भौत डैरी गैनी।

लूका 24:5

जब उ डौर गैनी अर धरती कि तरपां मुक झुकै कै खड़ी रैनी त ऊंल ऊंकु बोलि, “तुम ज्यूँदो तैं मुर्दों मा किलै खुज्योंण छा?”

खास चेलों 1:10

वेका जांणा बगत जब उ स्वर्ग जनै दिखंणा छा त अचानक द्वी आदिम, सफेद कपड़ा पैरी के प्रेरितों का संमणी खड़ा हवेनि

खास चेलों 12:7

तब अचानक प्रभु को एक स्वर्गदूत पतरस का संमणी उख ऐ, अर वे कोठरी मा उज्यालो हवे गै; फिर स्वर्गदूत ल पतरस तैं निंद मा हिलै के उठै अर बोलि, “जल्दी उठ।” अर जन ही पतरस निंद बट्टी जागि, अर वेकी हथों की जंजीर खुली के धरती पर लमडी गै।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।