लूका 24:27 - गढवली नयो नियम

²⁷ यीशु ल ऊं तैं पूरा परमेश्वर का वचन मा, मूसा की व्यवस्था बट्टी शुरू कैरी सभि परमेश्वर का तरपां बट्टी बुल्ण वलो का द्वारा अपड़ा बारा मा दे गै उ बातों तैं समझै।

Garhwali

²⁷ तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

लूका 24:27 ပူးပေါင်းရင်းမြစ်များ

मरकुस 4:34

उ भीड़ तैं मिसाल मा ही शिक्षा दींदो छो अर बगैर मिसाल का परमेश्वर का राज्य का बारा मा कुछ नि बुल्द छो पर एकुंत मा अपड़ा चेलों तैं सब बातों कु मतलब बतौंदु छो।

लूका 24:25

तब यीशु ल द्वी चेलों कु बोलि, “हे कम समझ वलो अर परमेश्वर का तरपां बट्टी बुल्ण वलो ल परमेश्वर का वचन मा लिख्युं च तुम लुखुं तैं वे पर विश्वास कन भौत कठिन लगदो ”

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

यूहन्ना 1:45

फिलिप्पुस ल नतनएल तैं मिली के वेकु बोलि, “हम तैं उ मनिख मिल गै जैका बारा मा मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो ल लिख्युं छों नासरत नगर बट्टी यूसुफ का नौंनो यीशु छै।

यूहन्ना 12:41

यशायाह ल यु बात इलै बोलि, कि वेल यीशु की बगत से पैली वेकी महिमा देखि अर वेल वेका बारा मा बात कैरी।

यूहन्ना 5:37

अर पिता जैल मि तैं भेजि वेल मेरी गव्है द्ये। तुम ल न कभि वेकी आवाज सूंणि अर न ही वे तैं अमणी-संमणी देखि

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

खास चेलों 10:43

वेका बारा मा सभि पिता परमेश्वर का तरपां बट्टी बुल्ण वलो ल गव्है दीं च कि जु लोग वेमा विश्वास रखदींनि, ऊं तैं, ऊंका द्वारा पापों कि माफी मिललि।”

खास चेलों 3:18

पर जौं बातों तैं परमेश्वर का तरपां बट्टी बुल्ण वलो का मुक बट्टी पैली ही पिता परमेश्वर ल बतयले छो कि वेको मसीह दुःख उठालो अर वेल ऊं बातों जु तुम ल कैरी वेका द्वारा वेल वे तैं सच कैरी दिखै।

खास चेलों 3:22

जन कि मूसा ल बोलि, प्रभु परमेश्वर तुमारा विश्वासी भयों मा बट्टी तुम कु मि जन एक परमेश्वर का तरपां बट्टी बुल्ण वलो भिजलो अर जु कुछ उ तुम बट्टी बुललो वेकी सुणयां।

खास चेलों 3:24

“अर पिता परमेश्वर का तरपां बट्टी बुल्ण वलो शमूएल बट्टी लेकर वेका बाद वलो तक जथग भि पिता परमेश्वर का तरपां बट्टी बुल्ण वलो ल बात कैरी ऊं सभियूं ल यु दिन को शुभ संदेश प्रचार द्ये।

खास चेलों 7:37

“यु उ ही मूसा च, जैल इस्राएलियों कु बोलि, पिता परमेश्वर तुमारा विश्वासी भयों मदि तुम कु मि जन एक परमेश्वर का तरपां बट्टी बुल्ण वला बंणालु”

खास चेलों 8:35

तब फिलिप्पुस ल वे तैं परमेश्वर का वचन बट्टी समझै कि पिता परमेश्वर का तरपां बट्टी बुल्ण वलो यशायाह जैल पिता परमेश्वर को शुभ सन्देश प्रचार सुणै, अर भविष्यवाणी कैरी के यीशु का बारा मा बोलि। अर वे खजांची ल यु बात समझीनि अर यीशु पर विश्वास कैरी।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।