लूका 23:34 - गढवली नयो नियम

³⁴ तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

Garhwali

³⁴ तब यीशु न बोलि, “मेरा पिता, यों तैं माफ कैरी द्‍या, किलैकि यों तैं पता नि च कि यू क्या कना छिन।” अर ऊं सिपयों न पांसा डालि के वेका कपड़ा आपस मा बांट दिनी।

लूका 23:34 ပူးပေါင်းရင်းမြစ်များ

मत्ती 11:25

वे बगत यीशु ल बोलि, हे पिता आसमान अर धरती का प्रभु मि तेरु धन्यवाद करदु कि तिल यूं बातों तैं ज्ञानियों अर समझदार लुखुं बट्टी छिपै के रखि अर जु लोग साधारण लुखुं का जन छिनी ऊं पर प्रगट कैरी।

मत्ती 11:26

हाँ, बुबा जी त्वे तैं यु ही खूब लगि।

मत्ती 5:44

पर मि तुम मा यु बुल्ण छौं कि अपड़ा बैरियों से प्रेम रखा अर अपड़ा सतौंण वलो कु पिता परमेश्वर बट्टी प्रार्थना कैरा।

मरकुस 15:24

तब ऊंल यीशु तैं सूली पर कीलों ल ठोकी के चढ़ै दींनि अर वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।

लूका 22:42

“हे मेरा बुबा जु तु चहै त यु दुःख बट्टी बचो जु मि पर आंण वली च आप कु सब कुछ सम्भव च फिर भि बुबा तेरी ही इच्छा पूरी हो मेरी न।”

यूहन्ना 17:9

मि ऊंकु परमेश्वर बट्टी प्रार्थना करदु जै तैं तिल मि तैं दियुं च किलैकि उ तेरा छिन पर मि ऊंकु बिनती नि करदु जु दुनिया बट्टी सम्बंध रखदु।

यूहन्ना 19:11

यीशु ल जवाब दे “जु मि तैं परमेश्वर की तरपां बट्टी नि दिये जांदु, त तेरु मि पर कुछ अधिकार नि हूंदो इलै जैल मि तैं तेरु हथ पकड़वै च वेको पाप जादा च।”

खास चेलों 16:28

पर पौलुस ल जोर से चिल्लै कै बोलि, कि “अफ तैं कुई नुकसान नि पौंछो, किलैकि हम सभि इखि छा।”

खास चेलों 3:17

और अब, “हे विश्वासी भयों, मि जंणदु छौं कि जब तुम ल अर तुम्हरा अगुवों ल यीशु तैं मार डाली तुम तैं नि पता छों की उ मसीह छो।

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

रोमियों 12:14

अपड़ा सतौंण वलो तैं आशीष द्यावा; आशीष द्यावा पर श्राप नि द्यावा।

1 कुरिन्थि 2:8

पिता परमेश्वर की योजना तैं ईं दुनिया का राज्यपालों ल भि नि समझी, किलैकि जु उ जंणदा त प्रतापमय प्रभु यीशु तैं सूली पर नि चड़ांदा।

1 कुरिन्थि 4:12

अर अपड़ा ही हथों का परिश्रम का द्वारा काम करदां; लोग बुरो बुल्दींनि, हम ऊं तैं आशीष दींदयां; उ हम तैं सतांदा छिनी, अर हम सौंदा छा।

1 तीमुथियुस 1:13

प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।