लूका 22:41 - गढवली नयो नियम

⁴¹ अर यीशु ऊं बट्टी अलग एक थोड़ी दूरी पर गै, अर घुंडा टेकि कै परमेश्वर बट्टी प्रार्थना कन लगि गै।

Garhwali

⁴¹ तब यीशु कुछ दूर गै अर घुंडा टेकी के प्रार्थना करण लगि गै,

लूका 22:41 ပူးပေါင်းရင်းမြစ်များ

मत्ती 26:39

फिर उ जरासी अगनैं बढ़ि अर भुयां भूमि मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु हवे सैकु त यु दुःख बट्टी बचो जु मि पर आंण वली च आप कु सब कुछ हवे सकदु च फिर भि बुबा तेरी ही इच्छा पूरी हो मेरी न।

मरकुस 14:35

फिर उ थोड़ा अगनैं बढ़ि अर भुय्यां धरती मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु तेरी योजना मा यु सम्भव हो त मि तैं यु दुःख बट्टी बचो जु मि पर आंण वलो च आप कु सब कुछ सम्भव च फिर भि बुबा तेरी ही इच्छा पूरी हो मेरी न।

लूका 18:11

फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।

लूका 18:13

पर चुंगि लींण वला ल दूर खड़ो हवे के स्वर्ग की तरपां देखी भि नि चाह, पर अपड़ा दुःख का दगड़ी अपड़ी छाति पीट-पीट कै बोलि, “हे परमेश्वर मि एक पापी छों मि पर दया कैर अर मि तैं माफ कैर”

खास चेलों 20:36

इन बोलि के वेल ल अपड़ा घुंडा टेकी के अर ऊं सभियूं का दगड़ी पिता परमेश्वर बट्टी प्रार्थना कैरी।

खास चेलों 21:5

सात दिन का बाद जब उख बट्टी हमारो जांणो को बगत ऐ, जब हम उख बट्टी जांण छा। तब उ सभि जनन अर बच्चों समेत हम दगड़ी शहर बट्टी भैर गैनी, अर हम ल छाला पर घुंडा टेकी के पिता परमेश्वर बट्टी प्रार्थना कैरी।

खास चेलों 7:60

फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

खास चेलों 9:40

तब पतरस ल सभियूं तैं भैर भेज दींनि अर वेका बाद घुंडा टेकी के पिता परमेश्वर बट्टी प्रार्थना कैरी, अर लांश की तरपां देखि के बोलि, “तबिता, उठ!” अर व आँखा खोलि पतरस तैं दिखण लगि गै अर बैठी गै।

इब्रानी 5:7

यीशु ल ईं धरती पर का जीवनकाल मा जु वे तैं मौत बट्टी बचै सकद छो, ऊँचा आवाज मा पुकारी कै अर रौवे के, पिता परमेश्वर बट्टी प्रार्थना अर बिनती कैरी अर बड़ा आदर का दगड़ी अपड़ा आप तैं परमेश्वर तैं सौंपणा का कारण पिता परमेश्वर ल यीशु की सूंणि।