लूका 18:13 - गढवली नयो नियम

¹³ पर चुंगि लींण वला ल दूर खड़ो हवे के स्वर्ग की तरपां देखी भि नि चाह, पर अपड़ा दुःख का दगड़ी अपड़ी छाति पीट-पीट कै बोलि, “हे परमेश्वर मि एक पापी छों मि पर दया कैर अर मि तैं माफ कैर”

Garhwali

¹³ पर वे चुंगी लेण वळा न स्वर्ग जनै भि नि देखि, बल्किन दूर खड़ु ह्‍वेके अपणी छति भटगै-भटगै के बोलि, ‘परमेस्वर, मि एक पापि मनखि छौं मि पर दया कैरा।’”

लूका 18:13 ပူးပေါင်းရင်းမြစ်များ

मत्ती 10:3

फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।

मत्ती 6:5

जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी।

मत्ती 9:13

इलै तुम जै के यांको मतलब सीखी ल्या मि बलिदान न पर दया चांदु छौं किलैकि मि धर्मियों कु न बल्कि पापियों तैं बुलांण कु अयुं छौं।”

मरकुस 11:25

अर इन ही जब कभि तुम पिता परमेश्वर बट्टी प्रार्थना करदा अर जु तुमारा दिल मा कैका खिलाफ कुई बैर हो त माफ कैरा इलै कि पिता परमेश्वर जु स्वर्ग मा रौंद तुमारा पापों तैं भि माफ करलो।

लूका 17:12

कै गौं मा जांदी बगत ऊं तैं दस कोढ़ी मिलिनि।

लूका 22:41

अर यीशु ऊं बट्टी अलग एक थोड़ी दूरी पर गै, अर घुंडा टेकि कै परमेश्वर बट्टी प्रार्थना कन लगि गै।

लूका 23:48

अर भीड़ जु यु सब दिखणु कु कठा हुईं छै ईं घटना तैं देखि के छाति भटकांदी लौटि गै।

लूका 5:8

यु देखि के शमौन पतरस यीशु का खुट्टों मा गिरि अर बोलि, “हे प्रभु मेरा संमणी बट्टी जा किलैकि मि पापी मनिख छौं।”

खास चेलों 2:37

जब ऊंल इन सूंणि त ऊंका मन बहुत दुखी गैनी अर उ पतरस तैं अर और प्रेरितों तैं पुछण लगि गैनी कि “हे विश्वासी भयों, अब इन बता कि हम ल क्य कन?”

रोमियों 5:8

पर पिता परमेश्वर हम पर अपड़ा प्रेम कि भलै की ईं रीति तैं प्रगट करदो, कि जब हम पापी ही छा तभि मसीह हम कु मोरि।

2 कुरिन्थि 7:11

ध्यान द्या कि पिता परमेश्वर की तरपां बट्टी अयां दुःख ल तुम मा क्य-क्य बदलाव कैरी; इन उत्सुकता भुरीं जल्दबाजी, अपड़ो पक्ष स्पष्ट कने की इन बड़ी इच्छा, अन्याय का प्रति इन गुस्सा, संकट का प्रति इन सावधानी, मि बट्टी मिलणै की इन जादा इच्छा, सेवा का प्रति इन उत्साह अर दुराचारी तैं दण्ड दींणु कु इन तेजी का द्वारा तुम ल यु साबित कैरेले कि सभि कुछ ठिक-ठाक कनु कु तुम ल कुई भि कमी नि छोड़ी।

1 तीमुथियुस 1:15

या बात सच च अर जै तैं पूरा ढंग से स्वीकार अर विश्वास किये जांण चयणु च कि मसीह यीशु हम पापियों तैं बचांणु अर उद्धार कनु कु ईं दुनिया मा ऐ, जौं मा सबसे बड़ो पापी मि छौं।

इब्रानी 4:16

इलै आवा हम साहस का दगड़ी पिता परमेश्वर का संमणी आं, जु दयालु च, कि हम पर कृपा हो अर हम वीं कृपा तैं पां, जु जरूरत का बगत मा हमारी मदद करदी।

इब्रानी 8:12

किलैकि मि ऊंका पापों तैं माफ कैरी दयुलु, अर ऊंका पापों तैं फिर याद नि करुलु।”