लूका 18:11 - गढवली नयो नियम

¹¹ फरीसी खड़ो हवे के अपड़ा मन मा इन कै परमेश्वर बट्टी प्रार्थना कन लगि गै हे परमेश्वर मि तेरु धन्यवाद करदु कि मि दुसरा लुखुं कि तरौं अंधेर कन वलो अन्यायी अर व्यभिचारी नि छौं अर न ही चुंगि लींण वला कि तरौं छौं।

Garhwali

¹¹ अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

लूका 18:11 ပူးပေါင်းရင်းမြစ်များ

मत्ती 10:3

फिलिप्पुस अर बरतुल्मै, थोमा अर चुंगि लींण वलो मत्ती, हलफई को नौंनो याकूब अर तद्दी।

मत्ती 5:20

मि तुम मा बुल्ण छौं कि तुम स्वर्ग का राज्य मा तभि प्रवेश कैर सकदा जब तक तुम्हरी धार्मिकता मूसा की व्यवस्था तैं सिखांण वलो अर फरीसियों की धार्मिकता बट्टी बढ़ि कै नि हो।

मत्ती 6:5

जब तु पिता परमेश्वर बट्टी प्रार्थना कैर त कपटि का समान नि हो किलैकि लोग ऊं तैं देखि अर ऊंकी प्रशंसा कैरा इन ही यहूदियों का मिलणा का भवन मा अर सड़कों का मोडो पर खड़ो हवे के ऊं तैं परमेश्वर बट्टी प्रार्थना कन अच्छो लगदु, मि तुम मा सच बुल्ण छौं कि उ अपड़ो प्रतिफल पै चुकि गैनी।

मरकुस 11:25

अर इन ही जब कभि तुम पिता परमेश्वर बट्टी प्रार्थना करदा अर जु तुमारा दिल मा कैका खिलाफ कुई बैर हो त माफ कैरा इलै कि पिता परमेश्वर जु स्वर्ग मा रौंद तुमारा पापों तैं भि माफ करलो।

लूका 20:47

उ विधवों का घौर तैं खै जंदींनि जांको मतलब च बेमानी ल हर चीज पर अपड़ो कब्जा कैरी दींदिनि अर लुखुं तैं दिखांणु कु भौत देर तक परमेश्वर बट्टी प्रार्थना करदींनि यूं ल परमेश्वर बट्टी जादा सजा पांण।

लूका 22:41

अर यीशु ऊं बट्टी अलग एक थोड़ी दूरी पर गै, अर घुंडा टेकि कै परमेश्वर बट्टी प्रार्थना कन लगि गै।

गलातियों 3:10

मतलब जथग लोग मूसा द्वारा लिखीं परमेश्वर की व्यवस्था का कामों पर भरोसो रखदींनि, उ पिता परमेश्वर का श्राप का अधीन छिनी, किलैकि पिता परमेश्वर का वचन मा लिख्युं च, “जु कुई मूसा द्वारा लिखीं परमेश्वर की व्यवस्था कि किताब (चाम्रपत्र) मा लिख्यां सभि बातों तैं कन मा स्थिर नि रौंदो, ऊं पर पिता परमेश्वर कु दंड च।”

फिलिप्पी 3:6

अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

दिब्य दरस 3:17

तू बुल्दी छै कि तू धनवान छै अर त्वे मा उ सब कुछ च जै की त्वे तैं जरूरत च, पर सचै य च कि तू अंधा जन छै, तू नि जणदी कि तू हकीकत मा कन छै। त्वे पर तरस आंण चयणु। किलैकि तू गरीब छै, यांको मतलब यो च कि त्वे मा विश्वास की कमी च तू ऊं लुखुं का जन छै जौं मा कपड़ा नि छिनी।