लूका 16:23 - गढवली नयो नियम

²³ अर तब नरकलोक मा दुख मा पोड़ी कै अपड़ा मथि देखि अर दूर बट्टी अब्राहम मा लाजर तैं देखि।

Garhwali

²³ पर जब अधलोक का दुख मा बटि, सेठ मनखि न मथि देखि त वेन दूर अब्राहम का पास लाजर तैं बैठयूं देखि,

लूका 16:23 ပူးပေါင်းရင်းမြစ်များ

मत्ती 11:23

हे कफरनहूम शहर का लुखुं क्य तु स्वर्ग तक ऊंचो किये जैलि? तु त नरक तक मूड़ि किये जैलि जु चमत्कार का काम त्वे मा किये गैनी जु सदोम शहर मा किये जांदा त उ शहर आज तक बणयुं रौंदु।

मत्ती 18:9

पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरा आँखों त्वे तैं उतेडो लगौ त वे तैं निकाली दे कांणो हवे कै परमेश्वर का राज्य मा जांण त्वे कु भलो होलो कि द्वी आँखा हवे कै भि तु नरक मा डाले जै।

मत्ती 23:33

हे गुरो का जन जहर रखण वलो लुखुं तुम नरक का दण्ड से कनके बचिल्या?

मत्ती 5:22

पर मि तुम मा यु बुल्ण छौं कि जु कुई अपड़ा भैय पर गुस्सा करलो पिता परमेश्वर पंचयती मा वेकी जांच के न्याय करलो, अर जु कुई अपड़ा भैय तैं निकम्मों बुललो उ महासभा मा दंड कु हकदार होलो अर जु कुई बोलु “अरे मूर्ख” उ नरक की आग का दंड कु हकदार होलो।

मत्ती 5:29

जु तेरी दैंणि आँख त्वे तैं उतेडो लगौ त वे तैं निकाली के अफ बट्टी फेंकी दे, किलैकि त्वे कु यु ही भलो च की तेरा अंगों मा बट्टी एक नाश हवे जौ और तेरी सैरी देह नरक मा नि डलै जौ।

मत्ती 8:29

ऊंल चिल्लै कै बोलि, “हे परमेश्वर का नौंनो” मेरू तेरु कुई लिणु दींणु नि च क्य तु बगत से पैली हम तैं दुःख दींणु कु इख अईं छै?

लूका 16:24

तब वेल ऊंची आवाज मा चिल्लै कै बोलि, हे बुबा अब्राहम मि पर दया कैरी कै लाजर तैं भेजि दे कि उ अपड़ी अंगुली तैं पांणी मा भिगै के मेरी जीभ तैं ठंड़ो करलो किलैकि मि ईं ज्वाला मा पिड़ा मा छों।

लूका 16:28

किलैकि मेरा पाँच भैय छिन अर मि चांदों छों की उ जौं अर मेरा भयों तैं चेतावनी द्या, इन नि हो कि उ भि ई दुख भरीं जगह ऐ।

लूका 8:28

उ यीशु तैं देखि के चिल्लै अर वेका खुट्टों मा पोड़ि के ऊंची आवाज मा बोलि, “हे यीशु सर्वशक्तिमान परमेश्वर का नौंना यीशु मेरू तेरु कुई लींण दींण नि च मि त्वे बट्टी बिनती कनु छौं मि तैं पिड़ा नि दे।”

1 कुरिन्थि 15:55

उन ही यु भि पूरो होलो, जु परमेश्वर का वचन मा लिख्युं च, “हे मौत कख च तेरी जय? हे मौत कख रै तेरु डंक?” इन कै, पिता परमेश्वर का वचन मा जु लिख्युं च उ पूरो होलो।

2 पतरस 2:4

तुम जंणदा छा कि भौत बगत पैली पिता परमेश्वर ऊं दुष्टदूतों तैं भि दण्ड दींण से नि रुकि जब ऊंल पाप कैरी, पर ऊं तैं मूड़ी नरक मा भेजि दींनि जख ऊं तैं अंधेरा मा जंजीरों मा बंधि के रखदींनि, जबकि उ न्याय कु दिन को इन्तेजार करदींनि जब ऊं तैं दण्ड मिललो जैका उ योग्य छिनी।

दिब्य दरस 20:10

फिर ऊंल शैतान तैं जैल यूं सभियूं तैं भरमयूं छो, वीं जगह पर ढोल दींनि जु आग अर गन्धक बट्टी फुकयोंदो। उ वीं जगह पर होलो जख ऊंल पैली बट्टी ही जानवर अर पिता परमेश्वर का तरपां बट्टी बुल्ण वला बुल्दींनि। आग ऊं सभियूं तैं दिन अर रात हमेशा कु दुःख द्याली।