लूका 16:22 - गढवली नयो नियम

²² अर तब इन हवे कि उ गरीब मोरि गै अर स्वर्गदूत ल वे तैं अब्राहम मा सम्मान का जगह पर पौंछै दींनि, अर उ सेठ भि मोरि गै अर वे तैं दफनै दींनि।

Garhwali

²² “अर इन ह्‍वे, कि एक दिन लाजर मोरि गै, अर स्वर्गदूतों न ऐके वेतैं अब्राहम का पास पौंछे दिनी। अर ठिक उन्‍नि कुछ दिनों बाद सेठ मनखि भि मोरि गै, अर ऊंतैं दफनये गै।

लूका 16:22 ပူးပေါင်းရင်းမြစ်များ

मत्ती 18:10

“देखा तुम मा यूं छुटों मा बट्टी कै तैं भि तुच्छ नि जणयां किलैकि मि तुम मा बुल्णु छौं, कि स्वर्ग मा ऊँका स्वर्गदूत मेरा बुबा की उपस्थिति मा रौंदा छिन।”

मत्ती 24:31

उ तुरै कि बड़ी आवाज का दगड़ा अपड़ा स्वर्गदूतों तैं भिजलु अर उ धरती का यु छोर बट्टी आसमान का वे छोर तक चौदिशों बट्टी अपड़ा चुणयां लुखुं तैं कठ्ठा करलो।

मत्ती 8:11

अर मि तुम मा बुल्णु छौं कि भौत सैरा अन्यजातियों का लोग पूर्व अर पश्चिम बट्टी ऐ के अब्राहम अर इसहाक अर याकूब का दगड़ी स्वर्ग का राज्य मा खांणु खाला।

मरकुस 8:36

ऊं कु कुई कीमत नि च जु मनिख सैरा दुनिया तैं पै ल्यो अर अपड़ा प्राण अर आत्मा तैं ख्वे द्यो।

लूका 12:20

पर परमेश्वर ल वे बट्टी बोलि, हे मूर्ख! आज रात तिल मौर जांण, त ऊं चीजों तैं कैल लींण जु तिल अफ कु कठ्ठा कैरी छो?

लूका 16:21

अर उ चांदु छो कि धनवान मनिख का खांणा का बाद फिक्यां टुकड़ों ल अपड़ो पुटगा भोरु इख तक कि कुकुर भि वेका घौ चाटदा छा।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 13:23

ऊंका चेला मा बट्टी जै तैं यीशु भौत प्रेम करदां छा उ यीशु का बगल मा बैठयूं छो।

यूहन्ना 21:20

पतरस ल फरकि कै वे चेला मा बट्टी एक जै तैं यीशु भौत प्रेम रखदु छो, अर जैल फसह का खांणु खांणा का बगत यीशु का संमणी मा बैठी के पुछणु छों। “हे प्रभु, तेरु पकड़वांण वलो को च”

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

याकूब 1:11

जब सूरज निकलद अर तेज घाम पुड़दो त घास सुखै दींद, अर वेका फूल झड़ी जंदींनि, अर वेकी सुंदरता नष्ट हवे जांदी; उन ही धनवान आदिम भि धन कमौन्द-कमौन्द मोरि जालो।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

दिब्य दरस 14:13

दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”