लूका 13:28 - गढवली नयो नियम

²⁸ उख रूण अर दांतों कु पिसंण होलो जब तुम पूर्वजों अब्राहम अर इसहाक अर याकूब अर सभि परमेश्वर का तरपां बट्टी बुल्ण वलो तैं परमेश्वर का राज्य मा बैठयूं अर अफ तैं भैर निकल्यूं दिखल्या।

Garhwali

²⁸ अर उख तुम अब्राहम, इसहाक, याकूब अर सब रैबर्यों तैं परमेस्वर का राज मा दिखल्या, पर तुमतै भैर निकळे जालु। अर उख त सिरफ रुंण अर दांतों तैं कड़गिटाण होलु।

लूका 13:28 ပူးပေါင်းရင်းမြစ်များ

मत्ती 13:42

अर स्वर्गदूत ऊं तैं आग का कुण्ड मा डललो जख रूंण अर दांतों कु पिसंण होलो।

मत्ती 13:50

अर दुष्टों लुखुं तैं आग का कुण्ड मा डलला जख रूंण अर दांतों कु पिसंण होलो।

मत्ती 22:13

तब राजा ल सेवकों मा बोलि येका हथ खुट्टा बंधि के यु तैं भैर अंधेरा मा डाली द्या उख रूंण अर दांतों को पिसंण होलो।

मत्ती 24:51

तब उ वे तैं भौत कड़ी सजा दयालो अर वेको भाग बांटो कपटि लुखुं का दगड़ा मा ठैरालो उख रूंण अर दांतों कु पिसंण होलो।

मत्ती 25:30

अर यु निकम्मा सेवक तैं का अंधेरा मा डाली द्या जख रूंण अर दांतों को पिसंण होलो।

लूका 10:15

अर हे कफरनहूम शहर का लुखुं क्य तु स्वर्ग तक ऊंचो करे जैलि? तु त नरक तक मूड़ी जैलि।

लूका 14:15

ऊंका दगड़ा खांणु खांण वलो मा बट्टी एक ल यूं बातों तैं सूंणि के वेमा बोलि, “धन्य च उ जु परमेश्वर का राज्य भोज मा शामिल होला।”

लूका 16:23

अर तब नरकलोक मा दुख मा पोड़ी कै अपड़ा मथि देखि अर दूर बट्टी अब्राहम मा लाजर तैं देखि।

2 थिस्सलुनीकी 1:5

यु पिता परमेश्वर कु सच्चो न्याय को प्रमाण च; कि तुम पिता परमेश्वर का राज्य का लैख बणा, ज्यांकु तुम दुःख भि उठौंणा छा।

2 पतरस 1:11

अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।