लूका 12:18 - गढवली नयो नियम

¹⁸ अर वेल बोलि मि तैं पता च की मि तैं क्य कन चयणु मि अपड़ा ग्यूं का बीज का गोदामों तैं तोड़ी के ऊं बट्टी भि बड़ा बणौलु

Garhwali

¹⁸ इलै वेन सोची, ‘अब मि इन करदु कि अपणा कुठारों तैं तोड़ि के ऊंतैं और भि बड़ु बणौलु, अर उख अपणी रासन-पाणि अर सब अच्छी चीजों तैं जमा कैरिके रखलु,

लूका 12:18 ပူးပေါင်းရင်းမြစ်များ

मत्ती 6:26

आसमान का चलखुडों तैं देखा उ न त बुतदा छिनी अर न लौंदा छिन करदींनि अर न अपड़ा खलियन मा बटोरदिन फिर भि तुमारो स्वर्गीय बुबा ऊं तैं खिलांदु च सच मा तुम चखलो बट्टी भि बढि कै छा।

लूका 12:17

तब उ अपड़ा मन मा सुचण लगि गै कि मि तैं नि पता की क्य कन चयणु च किलैकि मि मा अपड़ी सैरी फसलों तैं जमा कैरी के रखणै की इदगा बड़ी जगह भि नि च।

लूका 12:19

यांका बाद अपड़ा आप तैं बुललु, कि त्वे मा भौत बरसों कु भौत सम्पति रखिं च विश्राम कैर, खा, पी, सुख से रै।

लूका 12:21

इन ही वे आदिम का दगड़ी होलो जु सब कुछ अफ कु कठ्ठा करदो अर जु अफ कु धन बटोरदु च पर परमेश्वर कि सेवा कनु कु अपड़ी तागत अर धन कु इस्तेमाल नि करदो।

लूका 12:24

चलखुडों तैं देखा उ न त बुतदा छिनी अर न लवैइ करदींनि अर न अपड़ा खत्तों मा बटोरदिन फिर भि तुमारो स्वर्गीय पिता परमेश्वर ऊं तैं खिलांदु तुम निश्चित रुप मा चलखुडों का तुलना मा भौत जादा मूल्यवान छा।

लूका 18:4

वेल भौत दिनों तक त उन ही मांणी पर आखिर मा विचार कैरी के वेल बोलि, हालांकि मि परमेश्वर से नि डरदु अर न ही मनिख्युं कि परवाह करदु

लूका 18:6

प्रभु यीशु ल बोलि, “यु अन्यायी न्यायी बत्ति सबक सीखा?”

याकूब 3:15

यु ज्ञान उन ही, जु पिता परमेश्वर बट्टी मिल्दा पर सांसारिक, अर शारीरिक, अर शैतान का तरपां बट्टी च।

याकूब 4:13

तुम जु इन बुलद्यां, “आज या भोल हम कै और नगर मा जै के उख एक साल बितौला, अर व्यापार कैरी कै फैदा उठालो।”

याकूब 4:15

इलै तुम तैं इन बुल्ण चयणु च कि, “जु प्रभु चौ त हम ज्यूंदा रौला, अर यु या उ काम भि करुला।”