यूहन्ना 9:22 - गढवली नयो नियम

²² यु बातों तैं वेका ब्वे-बुबा ल इलै बोलि, किलैकि उ यहूदी अगुवों बट्टी डरदा छा; किलैकि यहूदी अगुवा एकमत हवे गै छा कि जु विश्वास कैरी की यीशु ही मसीह च त यहूदियों का मिलणा का भवन मा बट्टी निकाले जौं।

Garhwali

²² वेका ब्वे-बाब यहूदियों का मुख्यों बटि डौऽरदा छा, इलै ऊंन इन बोलि। किलैकि यहूदियों का मुख्यों न एक सला बणैयालि छै, कि जु कुई भि इन कबूल कैरी द्‍यालु कि यीशु ही मसीह च, वेतैं हमेसा खुणि प्रार्थना भवन बटि भैर कैरी दिये जालु।

यूहन्ना 9:22 ပူးပေါင်းရင်းမြစ်များ

लूका 6:22

धन्य छा तुम जब मि मनिख कु नौंनो का कारण लोग तुम बट्टी बैर करला अर तुम तैं निकाली दयाला अर तुमारी बुरै करला अर तुमारो नौं बुरो जांणि के काटि दयाला।

यूहन्ना 1:19

यूहन्ना की गव्है या च कि जब यहूदियों ल यरूशलेम शहर बट्टी यहूदी याजक अर लेवियों तैं वेमा यु पुछणु कु भेजि, तु कु छै?

यूहन्ना 16:2

उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।

यूहन्ना 19:38

यूं बातों का हूंण का बाद अरिमतियाह गौं का यूसुफ ल जु यीशु को चेला छो पर यहूदियों का अगुवों का डर से यूं बातें तैं छिपै के रखि, पिलातुस बट्टी बिनती कैरी, कि मि यीशु का शव तैं लै जौं, पिलातुस ल वेकी बिनती सूंणि, अर उ ऐ के ऊंका शव ली गै।

यूहन्ना 20:19

वे इतवार कि शाम कु जब वेका द्वार जख चेला छा सब चेला एक दगड़ी कठ्ठा हुयां; ऊंल द्वार बंद करयां छा किलैकि उ यहूदियों का अगुवों बट्टी डरयां छा। तब यीशु ऐ अर बीच मा खड़ो हवे की ऊंमा बोलि, “तुम तैं शान्ति मिलो।”

यूहन्ना 7:13

यहूदियों का अगुवों का डौर का बाना कुई आदिम यीशु का बारा मा खुलि के नि बुल्दा छा।

यूहन्ना 9:18

पर यहूदियों का अगुवों तैं विश्वास नि हवे कि उ अन्धो छो अर अब दिखदु च जब तक कि ऊंल वेका ब्वे-बुबा तैं बुलै के

यूहन्ना 9:21

पर हम यु नि जंणदा कि अब कनके दिखद अर न यु जंणदा कि कैल वेका आँखा खुलींनि। उ खुद कु जवाब दींणु कु काफी बड़ो च; वेमा बट्टी पूछिल्या; उ अपड़ा बारा मा अफी बोलि दयालो।

यूहन्ना 9:34

ऊंल वे तैं जवाब दींनि, “तु त बिल्कुल पापों मा जन्मीयूं छै तु हम तैं क्य सिखांणि छै?” तब ऊंल वे आदिम तैं यहूदियों का मिलणा की जगह बट्टी भैर निकाली दींनि।

यूहन्ना 9:35

यीशु ल जब यु सूंणि, कि ऊंल वे आदिम तैं यहूदियों का मिलण का भवन बट्टी भैर निकाली दींनि, अर जब यीशु की वे बट्टी भेंट हवे त यीशु ल बोलि, क्य तु मि मनिख कु नौंनो पर विश्वास करदी छै?

खास चेलों 4:18

तब ऊंल पतरस अर यूहन्ना तैं बुलै अर ऊं तैं धमकी दे के बोलि “यीशु का नौं से कुछ भि नि बुल्य्यां अर न कुछ सिखायां।”

खास चेलों 5:13

जौं ल अब तक यीशु पर विश्वास नि कैरी छो कै तैं यु साहस नि हूंद छो कि ऊं दगड़ी मिली जौंन तब भि लोग ऊं की बड़ै करदां छा।

खास चेलों 5:40

तब ऊंल वेकी बात मांणी अर प्रेरितों तैं बुलै के पिटवै अर ऊं यु आज्ञा दे कि उ अब बट्टी यीशु का नौं मा कुछ नि बोलि अर फिर ऊं तैं मुक्त कैरी द्ये।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”