यूहन्ना 8:39 - गढवली नयो नियम

³⁹ ऊंल यीशु तैं जवाब दींनि, हमारा पूर्वज अब्राहम छो। यीशु ल ऊंमा बोलि, जु तुम अब्राहम को वंशज हूंद, त अब्राहम का जन उ काम तुम भि करदां।

Garhwali

³⁹ तब ऊंन यीशु कू बोलि, “हमरु बुबा त अब्राहम च।” पर यीशु न ऊंकू बोलि, “अगर जु तुम अब्राहम का नौना होन्दा, त वेका जन काम भि करदा।

यूहन्ना 8:39 ပူးပေါင်းရင်းမြစ်များ

मत्ती 3:9

अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।

मत्ती 5:45

जनके तुम अपड़ा स्वर्गीय बुबा कि संतान ठैरिल्या किलैकि उ सभि लुखुं पर अपड़ो सूर्य उगौंदु अर धर्मी अर अधर्मी लुखुं पर बरखा बरसौंदु।

यूहन्ना 8:33

ऊंल यीशु तैं जवाब दींनि, कि हम त अब्राहम का वंशज बट्टी छा अर कभि कैका गुलाम नि हुयां। त फिर तु किलै बुल्णी छै कि तुम स्वतंत्र हवे जैला?

यूहन्ना 8:37

मि जंणदु छौं कि तुम अब्राहम का वंशज छा तब भि मेरी शिक्षा तैं स्वीकार नि करदां इलै तुम मि तैं मरण चांदा छा।

यूहन्ना 8:43

मेरी बात तुम इलै नि मणदा, की तुम मेरा संदेश स्वीकार कन मा इंकार करदां छा।

यूहन्ना 8:56

तुमारा पूर्वज अब्राहम मेरू दिन दिखणा कि मनसा से भौत खुश छो अर वेल देखि अर खुशी मणै।

रोमियों 4:12

अर अब्राहम खतना करयां लुखुं कु पूर्वज च, जु न भस खतना पर आस रखदा हो, पर जौं मा उन ही विश्वास हो, जन हमारा पूर्वज अब्राहम कु छो, जु वेल खतना कन से पैली कैरी छो।

रोमियों 4:16

इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।

रोमियों 9:7

अर अब्राहम का वंश मा जन्म लींण से ही सभि ऊंकी सच सन्तान नि हवे जंदींनि, किलैकि पिता परमेश्वर ल अब्राहम बट्टी बोलि, जु इसहाक का वंश मा जन्म लींदींनि उ ही तेरु वंशज मंणै जाला।

गलातियों 3:29

किलैकि जु तुम मसीह मा एक छा, त अब तुम अब्राहम का वंशज का हिस्सा छा, अर तुम तैं उ सभि कुछ मिललो, ज्यांको पिता परमेश्वर ल अब्राहम बट्टी करार कैरी छै।

गलातियों 3:7

तुम तैं यु समझण चयणु च कि जु लोग अब्राहम का जन पिता परमेश्वर पर भरोसो करदींनि, उ अब्राहम का सच्चा वंशज छिनी।