यूहन्ना 8:38 - गढवली नयो नियम

³⁸ मि ऊं चीजों तैं बतौंणु छों जै तैं मिल देखि जब मि अपड़ा पिता परमेश्वर का दगड़ी छों अर तुम ऊं नि करदां जु तुम ल बुबा बट्टी सूंणि च।

Garhwali

³⁸ अर मि त ऊं बातों तैं बोन्‍नु छौं, जु मिन अपणा पिता परमेस्वर का इख दिखिनी। पर तुम त ऊं कामों तैं करद्‍यां, जु तुमुन अपणा बुबा बटि सुणिनी।”

यूहन्ना 8:38 ပူးပေါင်းရင်းမြစ်များ

मत्ती 3:7

जब वेल भौत फरीसियों तैं अर सदूकियों तैं बपतिस्मा लींणु कु अपड़ा नजदीक औंण देखि त ऊं बट्टी बोलि, “हे गुरो का बच्चों” तुम तैं कैल जतै कि औंण वला गुस्सा बट्टी भागा।

यूहन्ना 14:10

मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।

यूहन्ना 14:24

जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।

यूहन्ना 17:8

इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 3:32

जु कुछ वेल देखि अर सूंणि वेकी गव्है दींद अर भौत कम लोग वेकी गव्है तैं स्वीकार करदींनि।

यूहन्ना 5:19

यां पर यीशु ल ऊंमा बोलि, “मि तुम मा सच-सच बुल्णु छौं, नौंनो खुद कुछ नि कैर सकद भस उ जु पिता परमेश्वर तैं करद दिखद किलैकि जौं-जौं कामों तैं उ करद च ऊं तैं मि भि वीं रीति से करदु

यूहन्ना 5:30

मि अपड़ा आप बट्टी कुछ नि कैरी सकदु मि लुखुं कु न्याय उन ही करदु जन पिता परमेश्वर मि तैं ऊंकु न्याय कनु कु बुल्दो अर मेरू न्याय सचो च किलैकि मि अपड़ी इच्छा न पर अपड़ा भिजण वला कि इच्छा चांदु छौं।

यूहन्ना 8:26

तुमारा बारा मा मि तैं भौत कुछ बुल्ण अर तुमारो न्याय कनु कु भौत कुछ बुल्णु कु च पर मेरू भिजण वलो सच्चो च अर जु मि ऊंमा बट्टी सूंणि च उ ही दुनिया का लुखुं बट्टी बुल्द छौं।

यूहन्ना 8:41

तुम अपड़ा बुबा जन काम करदां ऊंल यीशु मा बोलि, हम व्यभिचार बट्टी नि छा हमारो भस एक ही बुबा च अर उ परमेश्वर च।

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।