यूहन्ना 8:26 - गढवली नयो नियम

²⁶ तुमारा बारा मा मि तैं भौत कुछ बुल्ण अर तुमारो न्याय कनु कु भौत कुछ बुल्णु कु च पर मेरू भिजण वलो सच्चो च अर जु मि ऊंमा बट्टी सूंणि च उ ही दुनिया का लुखुं बट्टी बुल्द छौं।

Garhwali

²⁶ अर उन त मि मा तुमरा बारा मा बुलणु खुणि अर तुम पर दोष लगाणु खुणि भौत कुछ च। पर मेरु भेजण वळु सच्‍चु च, अर जु बात मिन वे बटि सुणी छिन, ऊं ही बातों तैं मि दुनियां का लोगु तैं बतौन्दु।”

यूहन्ना 8:26 ပူးပေါင်းရင်းမြစ်များ

यूहन्ना 15:15

अब बट्टी मि तुम कु सेवा कन वलो नि बुललो किलैकि दास नि जंणदु कि वेको स्वामि क्य करदो पर मिल तुम कु दगड़िया बोलि किलैकि मि जु शुभ संदेश प्रचार अपड़ा पिता परमेश्वर बट्टी सुंणिनि उ सभि बात तुम तैं बतैयनी।

यूहन्ना 16:12

मिल तुम मा और भि भौत सैरी बात बतांण चांणु छों पर अभि तुम ऊं तैं सै नि सकदा।

यूहन्ना 17:8

इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 18:20

यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।

यूहन्ना 3:11

मि त्वे बट्टी सच-सच बुल्ण छौं, कि हम जु जंणदा छा उ ही बुल्दा छा, पर जै तैं हम ल देखि वेकी गव्है दींदां छा अर तुम हम जु बुल्दा छा वे पर विश्वास नि करदां।

यूहन्ना 7:16

यीशु ल ऊं तैं जवाब दींनि मेरू उपदेश मेरू अपड़ा नि च पर यु परमेश्वर का तरपां बट्टी च जैल मि तैं भेजि।

यूहन्ना 7:28

तब यीशु ल यरूशलेम शहर का मन्दिर मा उपदेश दींण बगत धै लगै के बोलि, तुम जंणदा छा अर यु भि जंणदा छा कि मि कखौ छौं। मि त अफ बट्टी नि अयुं पर मेरा भिजण वलो विश्वासयोग्य च वे तैं तुम नि जंणदा।

यूहन्ना 8:25

तब ऊंल यीशु तैं पूछि, तू कु छै जब मिल तुम तैं उपदेश दींणो कु शुरू कैरी तब बट्टी मि बुल्दो छों कि, मि उ ही छों।

यूहन्ना 8:27

उ अब तक यु नि समझी कि उ हम बट्टी पिता परमेश्वर का बारा मा बुल्ण च।

यूहन्ना 8:40

पर अब तुम मि तैं मरण चांदा छा किलैकि मिल तुम तैं उ सच बतायूं च जु मिल परमेश्वर बट्टी सूंणि इन त अब्राहम ल नि कैरी छो।

2 कुरिन्थि 1:18

पिता परमेश्वर पर विश्वास किये जै सकद अर इलै तुम हम पर भि विश्वास कैरी सकदा, जबकि हम तुम मा आंणो कु वादा कना छा।