यूहन्ना 7:28 - गढवली नयो नियम

²⁸ तब यीशु ल यरूशलेम शहर का मन्दिर मा उपदेश दींण बगत धै लगै के बोलि, तुम जंणदा छा अर यु भि जंणदा छा कि मि कखौ छौं। मि त अफ बट्टी नि अयुं पर मेरा भिजण वलो विश्वासयोग्य च वे तैं तुम नि जंणदा।

Garhwali

²⁸ तब यीशु न मन्दिर मा उपदेस देण का बगत ऊँची आवाज मा बोलि, “तुम जणदा छाँ, कि मि कु छौं अर कख बटि अयूं छौं। पर मि अपणी मरजी से नि अयूं, पर मेरु भेजण वळु सच्‍चु च अर वेतैं तुम नि जणद्‍यां।

यूहन्ना 7:28 ပူးပေါင်းရင်းမြစ်များ

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 2:23

अर नासरत नौं का गौं मा बसी गै इलै की उ वचन पूरो हो जु परमेश्वर का तरपां बट्टी बुल्ण वलो का द्वारा यीशु का बारा मा बुलै गै छो “कि वे तैं नासरत नगर बट्टी औंण वलो बुलै जालो।”

मत्ती 26:55

तुरंत यीशु ल भीड़ कु बोलि, “क्य तुम मि तैं डाकु समझी कै पकड़णु अयां छा जु लाठा अर तलवार लीकै अयां छा? मि हर दिन परमेश्वर बट्टी यरूशलेम शहर का मन्दिर मा बैठी के उपदेश दींणु रौंदु छो अर तब तुम ल मि तैं नि पकड़ी।”

लूका 10:22

मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

लूका 2:11

कि आज बैतलहम शहर मा जु राजा दाऊद कु शहर च तुम कु एक उद्धारकर्ता जन्मीयूं च अर उ ही मसीह प्रभु च।

लूका 2:39

अर जब यूसुफ अर मरियम मूसा द्वारा लिखीं परमेश्वर की व्यवस्था का अनुसार सब कुछ पूरो कैरेली छो त फिर गलील जिला का अपड़ा नासरत नगर कु चलि गैनी।

लूका 2:4

अर यूसुफ भि इलै की उ राजा दाऊद का वंशज छो अर गलील जिला का नासरत नगर बट्टी यहूदिया प्रान्त मा राजा दाऊद का नगर बैतलहम शहर कु गै।

लूका 2:51

तब उ, ऊं दगड़ी नासरत नगर लौटि के ऐ गै अर ऊंका भस मा रै अर वेकी ब्वे ल यु सब बात अपड़ा मन मा रखिनि।

यूहन्ना 1:46

नतनएल ल वे बट्टी बोलि, क्य कुई भलि चीज भि नासरत नगर बट्टी निकली सकदी च? फिलिप्पुस ल वेकु बोलि चलि के देखि ले।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

यूहन्ना 12:49

किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 14:10

मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।

यूहन्ना 14:31

मि उन ही करदु छों जन बुबा मि तैं आज्ञा दींनि कि दुनिया का लुखुं तैं पता चलि जौ की मि बुबा बट्टी प्रेम करदु छों।

यूहन्ना 16:3

इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

यूहन्ना 17:25

हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 3:2

वेल राती यीशु का संमणी ऐ के वेमा बोलि, हे गुरु हम जंणदा छा परमेश्वर ल त्वे तैं हम तैं सिखांण कु भिज्युं च किलैकि कुई भि यूं चमत्कार तैं जु तु दिखौंदि छै त जु परमेश्वर वे दगड़ी नि हो त नि दिखै सकदु।

यूहन्ना 3:33

पर जैल वेकी गव्है स्वीकार कैरेली वेल ईं बात पर मोहर लगै दींनि कि परमेश्वर सचो च।

यूहन्ना 5:32

एक च जु मेरा पिता परमेश्वर च उ भि मेरा बारा मा गव्है दींदु च अर मि जंणदु छौं कि मेरी जु गव्है उ दींदु च व सच च।

यूहन्ना 5:43

मि अपड़ा पिता परमेश्वर का अधिकार से अयुं छौं अर तुम मि तैं स्वीकार नि करदां इलै कुई और अपड़ा अधिकार ल औ त वे तैं स्वीकार कैरी लील्या।

यूहन्ना 6:42

अर ऊंल बोलि क्य यु यूसुफ कु नौंनो यीशु नि च जैका ब्वे-बुबा तैं हम जंणदा छा? त उ कनके बुल्णु च कि मि स्वर्ग बट्टी उतरयूँ छौं?

यूहन्ना 7:14

जब त्योहार का अधा दिन बीति गैनी त यीशु यरूशलेम शहर का मन्दिर मा जै के उपदेश दींण बैठी गै।

यूहन्ना 8:14

यीशु ल ऊं तैं जवाब दे भले ही मि अपड़ी गव्है अफी दींदु पर फिर भि मेरी गव्है ठिक च किलैकि मि जंणदु छौं कि मि कख बट्टी ऐ छौं अर कख जांणु छो पर तुम नि जंणदा की मि कख बट्टी औंदु छों या कख कु जांणु छों।

यूहन्ना 8:16

अर जु मि जांच के न्याय भि कैरू त मेरू न्याय सच्चो च किलैकि मि अफी न पर मि पिता परमेश्वर का दगड़ी छों जैल मि तैं भेजि।

यूहन्ना 8:19

ऊंल यीशु मा पूछि, तुमारो पिता परमेश्वर कख च? यीशु ल जवाब दे न तुम मि तैं जंणदा अर न मेरा पिता परमेश्वर तैं, जु मि तैं जंणदा त मेरा पिता परमेश्वर तैं भि जंणदा।

यूहन्ना 8:26

तुमारा बारा मा मि तैं भौत कुछ बुल्ण अर तुमारो न्याय कनु कु भौत कुछ बुल्णु कु च पर मेरू भिजण वलो सच्चो च अर जु मि ऊंमा बट्टी सूंणि च उ ही दुनिया का लुखुं बट्टी बुल्द छौं।

यूहन्ना 8:42

यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

यूहन्ना 9:29

हम जंणदा छा कि परमेश्वर मूसा बट्टी बात कैरी पर हम यु मनिख तैं नि जंणदा कि कख बट्टी अयुं च।

खास चेलों 17:23

किलैकि मि चलदी फिरदी तुम्हरी पुजणैं की चिज्यों तैं दिखणुं छो, त एक इन वेदी भि देखि ज्यां पर लिख्युं छो, अजांण परमेश्वर कु। इलै जै तैं तुम बगैर जणयां आराधना करदा मि तुम तैं वे परमेश्वर कु समाचार सुनांणु छौं।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

रोमियों 3:4

न! बिल्कुल न! बल्कि पिता परमेश्वर हमेशा सच बुल्द, अर हरेक मनिख झूठो ठैरलो, जन परमेश्वर का वचन मा लिख्युं च, “ज्यांसे कि तु अपड़ी बातों मा धर्मी ठैरा अर न्याय कन बगत तु जय पै।”

2 कुरिन्थि 1:18

पिता परमेश्वर पर विश्वास किये जै सकद अर इलै तुम हम पर भि विश्वास कैरी सकदा, जबकि हम तुम मा आंणो कु वादा कना छा।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

तीतुस 1:2

उ पिता परमेश्वर का दगड़ी हमेशा कु रौंणे की आस करदींनि, किलैकि पिता परमेश्वर, जु कभी झूठ नि बुल्द, वेल दुनिया की रचना कन से पैली वादा कैरी छो, कि वेका लोग अनन्त जीवन मा ज्यून्दा राला।

इब्रानी 6:18

त फिर यु द्वी बात छिनी परमेश्वर कु वादा अर दुसरा वेकी सौं जु कभी भि नि बदल सकदी अर पिता परमेश्वर कभी झूठ नि बुल्द; इलै जु हम पिता परमेश्वर का नजीक सुरक्षा पांणु कु अयां छा अर जु आस वेल हम तैं द्ये, वे तैं थामि के छा, अर भौत खुश छा।

1 यूहन्ना 5:10

जु पिता परमेश्वर का नौंना यीशु मसीह पर विश्वास करदो, उ अपड़ा मन मा ईं गव्है तैं रखदो; जैल पिता परमेश्वर पर विश्वास नि कैरी, वेल पिता परमेश्वर तैं झूठो ठैरे; किलैकि वेल वीं गव्है पर विश्वास नि कैरी, जु पिता परमेश्वर ल अपड़ा नौंना यीशु मसीह का बारा मा दये।