यूहन्ना 6:45 - गढवली नयो नियम

⁴⁵ परमेश्वर का तरपां बट्टी बुल्ण वलो का लेखों मा यु लिख्युं च कि उ सब परमेश्वर का तरपां बट्टी सिखयां होला। जु कैल पिता परमेश्वर बट्टी सूंणि अर सीखी उ मि मा आंणु च।

Garhwali

⁴⁵ अर परमेस्वर का रैबर्यों न लिख्यूं च कि, “‘ऊ सभ्या का सभि परमेस्वर की तरफा बटि सिखये जाला।’ इलै हरेक जु पिता की बात तैं सुणी के सिखदिन, ऊ सभि मि मा औन्दिन।

यूहन्ना 6:45 ပူးပေါင်းရင်းမြစ်များ

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मरकुस 1:2

जन कि यशायाह परमेश्वर का तरपां बट्टी बुल्ण वला कि किताब मा लिख्युं च “कि देख, मि अपड़ा दूत तैं तेरु अगनैं भिजणु छौं जु त्वे कु बट्टो सुधारुलो।

लूका 1:70

जन भौत पैली परमेश्वर प्रभु ल अपड़ा पवित्र जन जु परमेश्वर का तरपां बट्टी बुल्ण वलो छो का द्वारा बोलि, कि उ हमारा दुश्मनों से और उ सभि की शक्ति से बचालो जु हम बट्टी घृणा करदींनि।

लूका 18:31

फिर वेल बारहों तैं दगड़ा लिजै के ऊंमा बोलि, “देखा यरूशलेम शहर जांदी बगत बट्टा मा जथग बात मि मनिख कु नौंनो का बार मा परमेश्वर का तरपां बट्टी बुल्ण वलो ल लिखीं छिन ऊं सभि पूरी होलि।”

यूहन्ना 10:27

जन के कि मेरा ढिबरा अपड़ा असली चरवाहा की आवाज पैछणदींनि उन ही मेरा लोग मेरी बातों पर ध्यान दींदां छिन मि ऊं तैं जंणदु छौं अर उ मेरा चेला बण मेरा पिछनैं चलणां छिन

यूहन्ना 6:37

जु कुछ पिता परमेश्वर मि तैं दींद उ सब मि मा आलो अर जु कुई मि मा आलो वे तैं मि कभि नि निकललु।

यूहन्ना 6:65

अर यीशु ल बोलि, इलै मिल तुम मा बोलि छो कि जब तक कै तैं पिता परमेश्वर कि तरपां बट्टी यु वरदान नि दिये जौं तब तक उ मि मा नि ऐ सकदु।

खास चेलों 13:40

इलै चौकस रावा, इन नि हो, कि जु परमेश्वर का तरपां बट्टी बुल्ण वलो का तरपां बट्टी किताब मा लिख्युं च, तुम पर भि ऐ जौं।

खास चेलों 7:42

यां से पिता परमेश्वर ल भि ऊं बट्टी मुक फेरी दींनि कि उ आसमान मा सूरज, चांद अर गैणों तैं अपड़ा देबतों का रूप मा आराधना कनु कु छोड़ी दींनि, जन कि परमेश्वर का तरपां बट्टी बुल्ण वलो कि किताबों मा लिख्युं च, हे इस्राएलियों क्य तुम ल एकांत जंगल मा चालिस बरसों तक जानवरों कि “बलि अर अन्नबलि चड़ै?”

इफिसुस 1:17

मि प्रार्थना करदु छों, कि पिता परमेश्वर हमारा प्रभु यीशु मसीह कु महिमामय बुबा, तुम तैं आत्मा द्या जु तैं बुद्धिमान बंणै दयालो अर परमेश्वर तुम पर प्रकट करलो कि तुम वे तैं अच्छो के जांणि सका।

फिलिप्पी 3:15

हम सभि जु आत्मिक रूप मा मजबूत विश्वासी मसीह पर विश्वास करदा, उ इन ही सोच अर जु कैं बात मा और कुछ सोच त पिता परमेश्वर वे तैं भि तुम पर प्रगट कैरी द्यायालु।

1 थिस्सलुनीकी 4:9

पर विश्वासी दगड़िया का प्रति प्रेम का बारा मा जरूरी नि च, कि मि तुम कु कुछ लिखु; किलैकि आपस मा प्रेम रखण तुम ल अफी पिता परमेश्वर बट्टी सीखी;

इब्रानी 10:16

“प्रभु परमेश्वर ल अपड़ा वीं नई प्रतिज्ञा तैं याद कैरी के जैका बारा मा पैली बोलि छो; कि जु वाचा मि ऊं दिनों का बाद जु वाचा मि ऊं बट्टी बंधलु उ या च कि मि अपड़ी व्यवस्था तैं ऊंका हृदय मा लिखुलु अर मि ऊंका विवेक मा डललु।”

1 यूहन्ना 2:27

अर तुम कु, उ पवित्र आत्मा, जै तैं तुम ल मसीह बट्टी पयुं च, अर तुमारा भितर रांदो, अर इलै कै तैं भि तुम तैं सचै का बारा मा सिखौंण की जरुरत नि च, उ तुम तैं ऊं सभि बातों का बारा मा सैरी सचै तैं जनण मा मदद करदो किलैकि वेको अभिषेक तुम तैं उ सब कुछ सिखांदु ज्यां कि तुम तैं जरूरत च। जु भि पवित्र आत्मा तुम तैं सिखांदु च उ सच च अर झूठ नि अर इलै मसीह का दगड़ा मा एकता मा बणयां रावा जन कि पवित्र आत्मा ल तुम तैं कनु कु बुल्युं च।