यूहन्ना 6:32 - गढवली नयो नियम

³² यीशु ल ऊंमा बोलि मि तुम मा सच-सच बुल्ण छौं कि तुम तैं व रुट्टि स्वर्ग बट्टी मूसा ल नि द्ये पर मेरू पिता परमेश्वर तुम तैं सच्ची रुट्टि स्वर्ग बट्टी दींदु च।

Garhwali

³² तब यीशु न ऊंकू बोलि, “मि तुम बटि सच्‍चि ही बोन्‍नु छौं, कि वा रुट्‍टी स्वर्ग बटि तुमतै मूसा न नि देई, बल्किन मा मेरु पिता ही तुमतै स्वर्ग बटि सच्‍चि रुट्‍टी देन्दु च।

यूहन्ना 6:32 ပူးပေါင်းရင်းမြစ်များ

यूहन्ना 1:9

उ जु सच्चो उज्यलो च जु हर एक आदिम तैं उज्यलो दींद जगत मा औंण वलो छो।

यूहन्ना 15:1

“सच्ची अंगूरों कि लगुली मि छौं, अर मेरू बुबा किसान च।

यूहन्ना 6:31

हमारा पूर्वजों ल एकांत जंगल मा मन्ना खै जन लिख्युं च, मूसा ल ऊं तैं खांणु कु स्वर्ग बट्टी रुट्टि दींनि

यूहन्ना 6:33

किलैकि परमेश्वर की रुट्टि उ ही च जु स्वर्ग बट्टी उतरी के दुनिया का लुखुं तैं जीवन दींद।

यूहन्ना 6:35

यीशु ल ऊंमा बोलि, अनन्त जीवन दींण वली रुट्टि मि छों जु मि मा औंणु च उ कभि भि भुखी नि होलो अर जु मि पर विश्वास करदो च उ कभि तिसलो नि होलो।

यूहन्ना 6:41

इलै यहूदियों का अगुवा यीशु पर कुड़कुड़ाण लगि गैनी किलैकि ऊंल बोलि छो ज्वा रुट्टि स्वर्ग बट्टी उतरी व मि छौं।

यूहन्ना 6:50

य व रुट्टि च ज्वा स्वर्ग बट्टी उतरदी इलै की मनिख वामा बट्टी खौ अर नि मोरू।

यूहन्ना 6:55

किलैकि मेरी देह सच मा खाणे कि चीज च अर मेरू ल्वे सच मा पीणैं कि चीज च।

यूहन्ना 6:58

ज्वा रुट्टि स्वर्ग बट्टी उतरी च, पूर्वजों ल खै, अर मोरि गैनी, पर जु कुई ईं रुट्टि तैं खालो उ सदनी ज्यूँदो रालो।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।