यूहन्ना 5:24 - गढवली नयो नियम

²⁴ मि तुम मा सच-सच बुल्णु छौं जु मेरू वचन सूंणि के मेरा भिजण वला पर विश्वास करदो अनन्त जीवन वेकु च अर वे पर दण्ड नि दिये जालो पर उ अनन्तकाल की मौत बट्टी बची जालो अर पैली बट्टी ही वेल अनन्त जीवन मा प्रवेश कैरी येले।

Garhwali

²⁴ “अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 5:24 ပူးပေါင်းရင်းမြစ်များ

मत्ती 25:46

अर उ जु बैंं अर छा अनन्त विनाश की सजा भुगला पर धर्मी लोग अनन्त जीवन मा वास करला।

मरकुस 16:16

जु कुई मि पर विश्वास कैरो वेको चिन्ह च की उ बपतिस्मा ल्यो अर परमेश्वर का द्वारा मि वे तैं पापों का मिलण वला दंड से उद्धार अर वेको जु विश्वास नि करुलु वे तैं परमेश्वर दंड दयालो।

यूहन्ना 11:26

अर जु मि मा ज्यूँदो च अर मि पर विश्वास करदु च उ कभि नि मुरुलो क्य तु ईं बात पर विश्वास करदी छै?”

यूहन्ना 12:44

यीशु ल भीड़ तैं पुकारी के बोलि, जु मि पर विश्वास करदु च उ मि पर न, मेरा भिजणवला परमेश्वर पर विश्वास करदु।

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

यूहन्ना 3:18

जु परमेश्वर का नौंना पर विश्वास करदो वे पर दंड की आज्ञा नि हूंदी पर जु वे पर विश्वास नि करदो उ अपराधी ठैरी चुकि गै इलै की वेल परमेश्वर का एकलौता नौंना का नौं पर विश्वास नि कैरी।

यूहन्ना 3:36

जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।

यूहन्ना 4:36

कठ्ठा कन वला अपड़ी मजदूरी पै कै अनन्त जीवन कु फसल कठ्ठा कनु च की किसान अर कठ्ठा कन वला द्वी मिल के आनन्द करुनु।

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

यूहन्ना 6:47

मि तुम मा सच-सच बुल्ण छौं कि जु कुई मि पर विश्वास करदो अनन्त जीवन वेको ही च।

यूहन्ना 6:50

य व रुट्टि च ज्वा स्वर्ग बट्टी उतरदी इलै की मनिख वामा बट्टी खौ अर नि मोरू।

यूहन्ना 6:51

जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।

यूहन्ना 6:58

ज्वा रुट्टि स्वर्ग बट्टी उतरी च, पूर्वजों ल खै, अर मोरि गैनी, पर जु कुई ईं रुट्टि तैं खालो उ सदनी ज्यूँदो रालो।

यूहन्ना 8:51

मि तुम मा सच-सच बुल्ण छौं कि जु कुई मनिख मेरा वचन कु पालन करलो, त उ अनन्तकाल तक कभि नि मुरल्या।

रोमियों 8:1

यु कारण अब जु मसीह यीशु मा च, ऊं पर दंड की आज्ञा नि च।

1 थिस्सलुनीकी 5:9

किलैकि पिता परमेश्वर ल हम तैं इलै नि चुणि कि अपड़ा गुस्सा बट्टी हम तैं दंड द्यो, पर इलै ठैरे कि हम अपड़ा प्रभु यीशु मसीह का द्वारा उद्धार पै साका।

1 पतरस 1:21

जु कुछ भि मसीह ल कैरी वेका कारण ही तुम अब पिता परमेश्वर पर विश्वास करदा। अर तुम ल अपड़ो विश्वास अर आस पिता परमेश्वर मा रखि च किलैकि वेल मसीह तैं मुर्दों मा बट्टी ज्यूँदो कैरी अर वे तैं भौत महिमा दींनि इलै तुम विश्वास करदा अर पिता परमेश्वर मा तुम्हरी आस अब मजबूत च।

1 पतरस 1:5

पिता परमेश्वर अपड़ी बड़ी सामर्थ बट्टी तुम तैं सुरक्षित रखण चांद किलैकि तुम यीशु पर विश्वास रखदा अर उ अंतिम दिन तक जब मसीह वापिस आलो, तुम तैं सुरक्षित रखणु रालो। तब तुम जांणि जैला कि पिता परमेश्वर ल तुम तैं पाप अर मौत बट्टी पूरा ढंग से उद्धार द्ये।

1 यूहन्ना 3:14

हम जणदां छा, कि हम विश्वासी मौत अर शैतान की शक्ति का अधीन नि छा, पर अब हम मा पिता परमेश्वर की तरपां बट्टी अनन्त जीवन च; किलैकि हम भयों बट्टी प्रेम करदां; जु प्रेम नि करदो, उ मौत अर शैतान का अधीन मा च।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।