यूहन्ना 5:23 - गढवली नयो नियम

²³ पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

Garhwali

²³ किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

यूहन्ना 5:23 ပူးပေါင်းရင်းမြစ်များ

मत्ती 10:37

“जु ब्वे-बुबा तैं मि से जादा प्रेम करद उ मेरा लैख नि च अर जु नौंना य नौंनि तैं मि से जादा प्रेम करद उ भि मेरा चेला बनण का लैख नि च।”

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 12:21

अर अन्य-जाति वेका नौं पर आस रखली।

मत्ती 15:8

यु लोग ओंठु ल त मेरू आदर करदींनि पर यूंकु मन मि से दूर रौंदु।

मत्ती 28:19

“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

लूका 10:16

जु तुम्हरी सुणदु उ मेरी सुणदु च अर जु तुम तैं तुच्छ जंणदु उ मि तैं तुच्छ जंणदु, उ मेरा भिजण वला तैं भि तुच्छ जंणदु।

यूहन्ना 14:1

“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।

यूहन्ना 16:14

उ मेरी महिमा करला, किलैकि वे तैं मेरी तरपां बट्टी मिल्द च उ तुम तैं बतालो।

यूहन्ना 17:10

अर जु कुछ मेरू च उ सभि तेरु च अर जु तेरु च उ मेरू च अर यूं बट्टी मेरी महिमा प्रगट हवे।

रोमियों 1:7

या चिट्ठी रोम शहर मा रौंण वला ऊं सभियूं का नौं च जु परमेश्वर का प्रिय छिनी, अर पवित्र लोग हूंणु कु बुलै गैनी हमारा पिता परमेश्वर अर प्रभु यीशु मसीह कि तरपां बट्टी तुम तैं कृपा अर शान्ति मिलदी रौ।

रोमियों 15:12

फिर परमेश्वर की तरपां बट्टी बुल्ण वलो यशायाह बुल्दो, “यिशै कु एक वंशज प्रगट होलो जु एक जौड़ा जन होलो, अर उ अन्य-जातियों पर अधिपति का जन राज्य करलो, वे पर अन्यजाति आस रखली कि उ ऊं तैं बचालो।”

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

रोमियों 8:9

पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

1 कुरिन्थि 1:3

मि प्रार्थना करदु हमारो पिता परमेश्वर अर प्रभु यीशु मसीह तुम तैं कृपा अर शान्ति द्यो।

1 कुरिन्थि 10:31

आखिर मा, मि तुम बट्टी यु बुल्ण चांदु, कि तुम चै खावा, चै प्यावा, चै जु कुछ भि कैरा, सब कुछ पिता परमेश्वर की महिमा कु कैरा।

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

1 कुरिन्थि 6:19

तुम जणदां छा, कि तुम्हरी देह पवित्र आत्मा कु मन्दिर च; जु तुम मा बसयूं च, अर तुम तैं पिता परमेश्वर का तरपां बट्टी मिल्द, अर अब तुम अपड़ा न पर पिता परमेश्वर का छा।

2 कुरिन्थि 1:9

अर हम ल अपड़ा मन मा समझी येले छो, कि हम मरै जौला, यु इलै हवे कि हम अफ पर न, पर पिता परमेश्वर पर भरोसा रखा, जु मुर्दों तैं ज्यूँदो कैरी सकद।

2 कुरिन्थि 13:14

प्रभु यीशु मसीह की कृपा अर पिता परमेश्वर कु प्रेम अर पवित्र आत्मा की सहभागिता तुम सभियूं का दगड़ी हूंदी रौ।

2 कुरिन्थि 5:14

किलैकि मसीह कु प्रेम हम तैं चलौंद; इलै कि हम निश्चित छा, कि एक आदिम सभि लुखुं कु मोरि गै, इलै सभि लोग मोरि गैनी।

2 कुरिन्थि 5:19

मतलब कि पिता परमेश्वर सभि लुखुं कु एक इन रस्ता बनांणु च कि जु कुछ भि मसीह ल दुनिया मा हम कु कैरी वेका द्वारा परमेश्वर का दगड़ी मेल मिलाप कैर साका, अर लुखुं का पापों कु भंगार ऊं पर नि लगै अर पिता परमेश्वर ल शान्ति का बारा मा वेका शुभ संदेश तैं बांटणो कु काम हम तैं सौंपी द्ये।

इफिसुस 6:24

पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।

2 तीमुथियुस 1:12

यु इलै हवे कि मि इख कैद मा दुखों तैं भि उठौंदु, पर शरमान्दु नि छौं, किलैकि मि मसीह तैं जंणदु छो, जै पर मिल विश्वास रखि, अर मि तैं विश्वास च, कि मसीह वे दिन तक जब तक उ वापिस नि आंद जु वेल मि तैं द्ये रक्षा कन मा सामर्थी च।

इब्रानी 1:6

अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

1 यूहन्ना 2:23

जु कुई नौंना प्रभु यीशु मसीह कु इन्कार करदो च वेमा पिता परमेश्वर भि नि च, जु नौंना प्रभु यीशु मसीह तैं मणदो च, वेमा पिता परमेश्वर भि च।

2 यूहन्ना 1:9

उ लोग जु सच्ची शिक्षा बट्टी भटकी जांद, अर मसीह की शिक्षा तैं नि मणदींनि, उ पिता परमेश्वर का दगड़ी संगति मा नि च। जु कुई मसीह की शिक्षा तैं मणदो उ पिता परमेश्वर का दगड़ी अर वेका नौंना यीशु मसीह का दगड़ी संगति मा च।