यूहन्ना 5:18 - गढवली नयो नियम

¹⁸ किलैकि यीशु ल यु शब्द बोलि इलै यहूदियों का अगुवा ल अर भि जादा वे तैं मरणै की कोशिश कैरी कि उ भस यहूदियों कु विश्राम कु दिन जु परमेश्वर को पवित्र दिन च कि विधि तैं तुड़द, पर परमेश्वर तैं अपड़ो बुबा बोलि के अफ तैं परमेश्वर का तुल्या ठैरांदु च।

Garhwali

¹⁸ इलै यहूदी वेतैं और भि जादा जान से मरणे की फिराक मा लगि गैनी। किलैकि उ नऽ त केवल सब्त का दिन की विधि तैं तोड़दु छौ, बल्किन परमेस्वर तैं पिता बोलि के अफु तैं वेका बराबर ठैरै देन्दु छौ।

यूहन्ना 5:18 ပူးပေါင်းရင်းမြစ်များ

मत्ती 12:5

अर क्य तुम ल मूसा द्वारा लिखीं परमेश्वर की व्यवस्था मा नि पढ़ी कि यहूदी याजक यहूदियों का विश्राम का दिन यरूशलेम शहर का मन्दिर मा वे दिन की विधि तैं तोड़ण पर भि निर्दोष ठैरौंदींनि?

यूहन्ना 1:19

यूहन्ना की गव्है या च कि जब यहूदियों ल यरूशलेम शहर बट्टी यहूदी याजक अर लेवियों तैं वेमा यु पुछणु कु भेजि, तु कु छै?

यूहन्ना 10:30

मि अर पिता परमेश्वर एक ही छा।

यूहन्ना 10:33

यहूदियों ल यीशु तैं जवाब दे, भला कामों कु हम त्वे पर ढुंग्यो नि करदां पर परमेश्वर कि बुरै कने का वजा से अर इलै की तु मनिख हवे के अपड़ा आप तैं परमेश्वर कु दावा करदु।

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

यूहन्ना 14:9

यीशु ल वेमा बोलि, “हे फिलिप्पुस मि इथग दिनों बट्टी तुमारा दगड़ा मा छौं क्य तु मि तैं नि जंणदी? जैल मि देखु वेल बुबा तैं देखेलि। तू किलै बुल्णी छै कि बुबा हम तैं दिखै द्या?

यूहन्ना 19:7

यहूदियों का अगुवों ल वे तैं जवाब दे “हमारी भि व्यवस्था छिन अर ऊं व्यवस्था का अनुसार उ मरै जांण लैख च किलैकि वेल अफ तैं परमेश्वर को नौंनो बतै।”

यूहन्ना 5:15

वे मनिख न जै के यहूदियों का अगुवों मा बोलि दींनि कि जैल मि तैं ठिक कैरी उ यीशु च।

यूहन्ना 5:16

यु कारण यहूदी अगुवा यीशु तैं सतौण लगि गैनी किलैकि उ इन-इन काम यहूदियों कु विश्राम कु दिन जु परमेश्वर को पवित्र दिन च करदु छो।

यूहन्ना 5:17

यां पर यीशु ल वेमा बोलि, मेरू पिता परमेश्वर हमेशा काम करदो अर मि तैं भि काम कन चयणु च।

यूहन्ना 5:23

पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

यूहन्ना 7:1

यूं बातों का बाद यीशु गलील जिला मा घुमणा रैनी किलैकि यहूदियों का अगुवों ल ऊं तैं मरणै की कोशिश कना छा इलै यीशु यहूदिया प्रान्त मा घुमण नि चांणा छा।

यूहन्ना 7:19

क्य परमेश्वर का तरपां बट्टी बुल्ण वला मूसा ल व्यवस्था अफ दे? तब भि तुम मा बट्टी कुई मूसा द्वारा लिखीं परमेश्वर की व्यवस्था पर नि चलदो। तुम किलै मि तैं मरण चांणा छा?

यूहन्ना 8:54

यीशु ल जवाब दींनि, जु मि अफी अपड़ो सम्मान करूं त जु मि तैं सम्मान दींद उ मेरू पिता परमेश्वर च अर तुम बुल्दा कि उ तुमारो परमेश्वर च।

यूहन्ना 8:58

यीशु ल ऊंमा बोलि, मि तुम मा सच-सच बुल्ण छौं कि मि अब्राहम का पैदा हूंण से पैली बट्टी छौं।

फिलिप्पी 2:6

उ हर ढंग से पिता परमेश्वर का जन छो फिर भि मसीह ल परमेश्वर दगड़ी अपड़ी बराबरी तैं बणये रखण सै नि समझी।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 22:3

जु कुछ भि पिता परमेश्वर का श्राप का अधीन च शहर मा नि होलो, अर पिता परमेश्वर अर चिनखा का सिंहासन का शहर मा होलो अर पिता परमेश्वर का सेवक वेकी आराधना करला।