यूहन्ना 4:34 - गढवली नयो नियम

³⁴ यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

Garhwali

³⁴ तब यीशु न ऊं बटि बोलि, “मेरु खाणुक यू च कि अपणा भेजण वळे की मनसा का मुताबिक चलु, अर वेका काम तैं पूरु कैरुं।

यूहन्ना 4:34 ပူးပေါင်းရင်းမြစ်များ

मत्ती 26:39

फिर उ जरासी अगनैं बढ़ि अर भुयां भूमि मा पोड़ी कै पिता परमेश्वर बट्टी प्रार्थना कन लगि गै कि, हे मेरा बुबा जु हवे सैकु त यु दुःख बट्टी बचो जु मि पर आंण वली च आप कु सब कुछ हवे सकदु च फिर भि बुबा तेरी ही इच्छा पूरी हो मेरी न।

मत्ती 3:15

यीशु ल वे तैं यु जवाब दींनि “अब त इन ही हूंण दे किलैकि हम तैं येइ ढंग से सब धार्मिकता तैं पूरो कन ठिक च।” तब वेल ऊंकी बात मांणी लींनि।

मत्ती 9:19

यीशु उठि के अपड़ा चेलों समेत वेका पिछनै हवे के चलि गै।

लूका 15:10

मि तुम मा बुल्णु छौं कि इन कै एक मन फिराण वला पापी का बारा मा परमेश्वर का स्वर्गदूतों का संमणी आनन्द हूंद।

लूका 19:10

किलैकि मि मनिख कु नौंनो हरच्यां लुखुं तैं खुज्योंणु कु अर ऊं तैं बचौणु कु अयुं छों।

लूका 2:49

यीशु ल ऊंमा बोलि, “तुम मि तैं किलै खुज्योंणा छा? क्य नि जंणदा कि मि तैं अपड़ा बुबा का भवन मा रांण जरूरी च।”

यूहन्ना 17:4

जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

यूहन्ना 19:28

यांका बाद यीशु ल यु जांणि के की अब वेल अपड़ो सैरो काम खत्म कैरी येले इलै कि परमेश्वर का वचन मा लिखीं बात सच साबित हो, यीशु ल बोलि, “मि तिसलो छौं।”

यूहन्ना 19:30

जब यीशु ल उ सिरका चूसि तब ऊंल बोलि, “पूरो हवे गै” अर वेल मुंड झुकै कै अपड़ा प्राण छोड़ी दींनि।

यूहन्ना 4:32

पर यीशु ल ऊंमा बोलि, मि मा खांण कु इन खांणु च जै तैं तुम नि जंणदा।

यूहन्ना 5:30

मि अपड़ा आप बट्टी कुछ नि कैरी सकदु मि लुखुं कु न्याय उन ही करदु जन पिता परमेश्वर मि तैं ऊंकु न्याय कनु कु बुल्दो अर मेरू न्याय सचो च किलैकि मि अपड़ी इच्छा न पर अपड़ा भिजण वला कि इच्छा चांदु छौं।

यूहन्ना 5:36

मि मा यूहन्ना की गव्है से श्रेष्ठ गव्है च उ काम जु पिता परमेश्वर ल मि तैं पूरो कनु कु दियुं च उ ही मेरा बारा मा गव्है दींदो च जु काम मि करदो छौं उ मेरा गव्है दींदो च कि पिता परमेश्वर ल मि तैं भेजि।

यूहन्ना 6:33

किलैकि परमेश्वर की रुट्टि उ ही च जु स्वर्ग बट्टी उतरी के दुनिया का लुखुं तैं जीवन दींद।

यूहन्ना 6:38

किलैकि मि अपड़ी मनसा न पर अपड़ा भिजण वला कि मनसा पूरी कनु कु स्वर्ग बट्टी उतरयूँ छौं

यूहन्ना 8:29

मेरू भिजण वलो मि दगड़ी च वेल मि तैं इखुली नि छोड़ी किलैकि मि सदनी ऊं कामों तैं करदु जौं बट्टी उ खुश हूंद।

खास चेलों 20:35

मिल तुम तैं सभि कुछ कैरी के दिखै, कि कनके मेहनत कैरी के कमजोर लुखुं तैं सम्भलण चयणु च, अर प्रभु यीशु की वचन याद रखण जरूरी च, जु कि वेल अफ ही बोलि, “लींण से दींण जादा धन्य च।”

इब्रानी 12:2

अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।