यूहन्ना 4:11 - गढवली नयो नियम

¹¹ जनन ल वेको बोलि, “हे स्वामी, त्वे मा पांणी भुनु कु कुछ भि नि च अर कुआँ भौत गैरु च त फिर उ जीवन कु पांणी त्वे मा कख बट्टी ऐ?

Garhwali

¹¹ तब जनानि न वेकू बोलि कि, “श्रीमान, तुमरा पास त पाणि निकळणु खुणि कुई भाँडु भि नि च, अर कुआँ गैरु च, त फिर जीवन देण वळु वु पाणि तुमरा पास कख बटि ऐ?

यूहन्ना 4:11 ပူးပေါင်းရင်းမြစ်များ

यूहन्ना 3:4

नीकुदेमुस ल वेमा बोलि, मनिख जब बुढया हवे गै त कनके जन्म ले सकद? निश्चित रूप बट्टी एक आदिम दुसरी बार पैदा हूंण कु अपड़ी ब्वे कि कोखी मा वापिस नि जै सकद?

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

यूहन्ना 7:37

त्योहार का आखिर दिन जु मुख्य दिन छो यीशु खड़ो हवे गै अर धै लगै के बोलि, जु कुई तिसलो च त मि मा औ अर प्यो।

खास चेलों 10:14

पर पतरस ल बोलि, “प्रभु, मि इन नि कैरी सकदु, किलैकि मिल कभी अपवित्र अर अशुद्ध चीजों तैं नि खै।”

1 कुरिन्थि 2:14

पर उ मनिख जैल परमेश्वर की आत्मा तैं नि पै, उ परमेश्वर की आत्मा की बातों तैं स्वीकार नि करदु, किलैकि उ वेकी नजर मा मूर्खता की बात च, किलैकि एक आदिम अपड़ी कीमत तभि जांणि सकद जब वेमा पवित्र आत्मा रौंदी।

दिब्य दरस 21:6

फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 22:17

पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।

दिब्य दरस 7:17

किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”