यूहन्ना 3:11 - गढवली नयो नियम

¹¹ मि त्वे बट्टी सच-सच बुल्ण छौं, कि हम जु जंणदा छा उ ही बुल्दा छा, पर जै तैं हम ल देखि वेकी गव्है दींदां छा अर तुम हम जु बुल्दा छा वे पर विश्वास नि करदां।

Garhwali

¹¹ अर मि तुम सच्‍चि ही बोन्‍नु छौं, कि हम जु जणदा छां, उई बुल्द्‍यां, अर जु हमुन देखि च, वेकी गवै देन्दा छां, पर तुम हमरि गवै तैं स्वीकार नि करद्‍यां।

यूहन्ना 3:11 ပူးပေါင်းရင်းမြစ်များ

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 23:37

“हे यरूशलेम शहर का लुखुं तु परमेश्वर का तरपां बट्टी बुल्ण वलो तैं मारि डलदि अर जु त्वे मा भिजे गैनी ऊं पर ढुंग्यो करदी। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करदा उन ही मि भि तेरा नौंनो तैं कठ्ठा कैरी दियूं पर तुम ल इन नि चै।

लूका 10:22

मेरा पिता ल मि तैं सब कुछ सौंपेलि अर कुई नि जंणदु कि नौंनो कु च भस पिता अर पिता कु च यु भि कुई नि जंणदु भस नौंनो अर जै पर नौंनो वे तैं प्रगट कन चौ।

यूहन्ना 1:11

उ अपड़ा लुखुं का संमणी ऐ अर वेका अपड़ा लुखुं ल वे तैं ठुकरै दींनि।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 12:49

किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 14:24

जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।

यूहन्ना 3:12

जब मिल तुम बट्टी धरती पर हूंण वली बातों तैं बोलि, अर तुम विश्वास नि कैरी त मि तुम बट्टी स्वर्ग की बातों तैं बोलु की स्वर्ग मा कि होलो त फिर कनके विश्वास करिल्या?

यूहन्ना 3:13

कुई स्वर्ग पर नि गै पर भस मि मनिख कु नौंनो ही स्वर्ग बट्टी मुड़ी अयुं छों।

यूहन्ना 3:3

यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।

यूहन्ना 3:5

यीशु ल जवाब द्ये, कि मि त्वे बट्टी सच-सच बुल्ण छौं जब तक कुई मनिख पांणी अर पवित्र आत्मा बट्टी नि जन्मो त उ परमेश्वर का राज्य मा प्रवेश नि कैर सकद।

यूहन्ना 5:43

मि अपड़ा पिता परमेश्वर का अधिकार से अयुं छौं अर तुम मि तैं स्वीकार नि करदां इलै कुई और अपड़ा अधिकार ल औ त वे तैं स्वीकार कैरी लील्या।

यूहन्ना 7:16

यीशु ल ऊं तैं जवाब दींनि मेरू उपदेश मेरू अपड़ा नि च पर यु परमेश्वर का तरपां बट्टी च जैल मि तैं भेजि।

यूहन्ना 8:14

यीशु ल ऊं तैं जवाब दे भले ही मि अपड़ी गव्है अफी दींदु पर फिर भि मेरी गव्है ठिक च किलैकि मि जंणदु छौं कि मि कख बट्टी ऐ छौं अर कख जांणु छो पर तुम नि जंणदा की मि कख बट्टी औंदु छों या कख कु जांणु छों।

यूहन्ना 8:26

तुमारा बारा मा मि तैं भौत कुछ बुल्ण अर तुमारो न्याय कनु कु भौत कुछ बुल्णु कु च पर मेरू भिजण वलो सच्चो च अर जु मि ऊंमा बट्टी सूंणि च उ ही दुनिया का लुखुं बट्टी बुल्द छौं।

यूहन्ना 8:38

मि ऊं चीजों तैं बतौंणु छों जै तैं मिल देखि जब मि अपड़ा पिता परमेश्वर का दगड़ी छों अर तुम ऊं नि करदां जु तुम ल बुबा बट्टी सूंणि च।

खास चेलों 22:18

अर मिल प्रभु यीशु की आवाज सूंणि, जल्दी कैरी कै “यरूशलेम शहर बट्टी झट निकली जा किलैकि उ लोग जु यख छिनी मेरा बारा मा तेरी गव्है नि मणला”

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

दिब्य दरस 1:5

अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।

दिब्य दरस 3:14

लौदीकिया शहर की मण्डलि का दूत तैं लिख “मि आमीन कहलांद, किलैकि मि विश्वासयोग्य छो अर मि पिता परमेश्वर का बारा मा जु भि प्रमाणित करदु उ सच च। जु कुछ भि वेल बणै मि वे सब कुछ को स्रोत भि छो, मि त्वे बट्टी यु बुल्दो।