यूहन्ना 20:25 - गढवली नयो नियम

²⁵ जब अर चेला वेको बुल्ण लगि गै, “हम ल प्रभु तैं देखि।” तब वेल ऊंमा बोलि, “जब तक मि वेका हथों मा कील्युं का घाव नि देखलु, अर कील्युं का घावों मा अपड़ी अंगुली नि डललु, अर वेकी पंणकोखि मा अपड़ो हथ डाली कै नि देखू तब तक विश्वास नि करुलु की उ मुर्दों मा बट्टी जी उठि गै।”

Garhwali

²⁵ इलै दुसरा चेलों न वे बटि बोलि, “हमुन प्रभु तैं देखि।” पर थोमा न ऊं खुणि बोलि, “जबरि तक मि वेका हाथों पर किल्यों का निसान नि देखि द्‍यूं, अर किल्यों का ऊं छेदों का भितर अपणी अंगुळि नि डालि द्‍यूं, अर वेकी पंणकोखि पर अपणु हाथ नि डालि द्‍यूं, तबरि तक मि बिस्वास नि कैरी सकदु।”

यूहन्ना 20:25 ပူးပေါင်းရင်းမြစ်များ

मत्ती 27:42

“येल औरों तैं बचै पर अफ तैं नि बचै सकदु हे इस्राएल का लुखुं का राजा मसीह सूली बट्टी उतरी के औ हम भि त्वे तैं देखि कै विश्वास करुला।”

मरकुस 16:11

पर जब चेलों ल यु सूंणि कि यीशु ज्यूँदो हवे गै अर मरियम मगदलनी ल वे तैं देखि त ऊंल वीं को विश्वास नि कैरी।

मरकुस 16:13

जब ऊंल यीशु तैं पैछाणी तब उ द्वी चेला यरूशलेम मा वापिस गैनी अर हौरु तैं यु रैबार दींनि की क्य-क्य हवे पर ऊंकी बातों कु यकीन भि कैल नि कैरी।

मरकुस 16:14

बाद मा यीशु अपड़ा ग्यारा चेलों तैं भि दिखै जब उ खांणु खांणा छा यीशु ल ऊंका मन कि निठुरता पर ऊं तैं खिजे कि किलैकि ऊंल वेका ज्यूंदा हूंण पर वे तैं देखि छो पर भरोंसू नि कैरी।

लूका 24:25

तब यीशु ल द्वी चेलों कु बोलि, “हे कम समझ वलो अर परमेश्वर का तरपां बट्टी बुल्ण वलो ल परमेश्वर का वचन मा लिख्युं च तुम लुखुं तैं वे पर विश्वास कन भौत कठिन लगदो ”

यूहन्ना 1:41

वेल पैली अपड़ा सगा भैय शमौन पतरस बट्टी मिलिके वेमा बोलि, कि हम तैं ख्रिस्त मसीह मिली गै।

यूहन्ना 20:27

तब वेल थोमा कु बोलि, “अपड़ी अंगुली इख लौ अर मेरा हथों तैं देख अर अपड़ो हथ बढ़ै के मेरी पंणकोखि पर डाल अर सन्देह कन बंद कैर, पर विश्वास कैर की मि मुर्दों मा बट्टी ज्यूँदो हवे ग्यों।”

यूहन्ना 21:7

इलै वे चेला ल जै बट्टी यीशु प्रेम रखदु छो पतरस बट्टी बोलि, “यु त प्रभु च।” जब शमौन पतरस ल यु सूंणि कि उ प्रभु च, त वेल अपड़ा उ कपड़ा पैनी जु वेका काम कना बगत उतार दींनि। अर पांणी मा कूदी गै।

यूहन्ना 6:30

तब ऊंल यीशु तैं पूछि, तु कु वलो चमत्कार को चिन्ह दिखौंदी कि हम वे तैं देखि के त्वे पर विश्वास कैरा? तु कु वलो काम दिखौंदि?

इब्रानी 3:12

हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

इब्रानी 3:18

अर जब पिता परमेश्वर ल निश्चय कैरी कि, “उ कभी भि वीं धरती मा प्रवेश नि करला जख मि ऊं तैं विश्राम दयुलु” त पिता परमेश्वर पक्का ऊं लुखुं कु ही बुल्णु छो जौं लुखुं ल वेकी आज्ञाओं तैं नि मांणी।