यूहन्ना 19:39 - गढवली नयो नियम

³⁹ अर नीकुदेमुस जु कि राती का बगत यीशु मा ऐ छो तैंतीस किलोग्राम का लगभग मिल्युं, भीनी खुशबुदार चिज्युं अर एल्वा लै ऐ।

Garhwali

³⁹ अर नीकोदिमुस जु कि राति का बगत पैलि यीशु तैं मिलणु कू गै छौ, उ भि वेका दगड़ा मा छौ अर उ लगभग तैंतिस किलो गंधरस अर एलवा नौ की खुशबुदार चीजों को एक घोळ तैं मिलै के अपणा दगड़ा मा लेके ऐ।

यूहन्ना 19:39 ပူးပေါင်းရင်းမြစ်များ

मत्ती 12:20

उ कुच्ल्याँ सरकंडा तैं नि तुड़लो मतलब कि कै तैं भि कुई परेशानी च उ वे तैं सुलगती हूंई बातों का जन च ऊं तैं नुकसान नि पौंछांलो, अर धुवां दींण वला दिवडा तैं नि बुझालो, जब तक कि उ न्याय तैं मजबूत नि कैरी द्यो।

मत्ती 19:30

पर भौत सैरा लोग छिनी जु अभि महान अर अगनैं छिनी, वे बगत पिछनै होला अर जु पिछनै होला उ वे बगत अगनैं होला।

मत्ती 2:11

ऊंल वेका घौर मा वेकी ब्वे मरियम अर यीशु देखि, त अपड़ा मुंड़ो तैं झुखै के वेकी आराधना अर प्रणाम कैरी अर अपड़ा-अपड़ा थैलों तैं खोलि के वे तैं सोना अर लोबान अर गन्धरस भेंट चड़ै।

मरकुस 16:1

हैंका दिन शाम बगत जब यहूदियों का विश्राम का दिन जु परमेश्वर कु पवित्र दिन च अर जु त्योहार कु दिन छो बीति गै त मरियम जु मगदल गौं की छै अर याकूब कि ब्वे मरियम अर सलोमी यूं सभियूं ल खुशबूदार तेल मोल लींनि अर यहूदियों की रीति का अनुसार कि ऐ के यीशु कि लांश पर लगौन।

यूहन्ना 12:3

तब मार्था की बैंण मरियम जटामांसी कु अधा लीटर का लगभग बहुमूल्य इत्र लेकै यीशु का खुट्टा मा डाली, अर अपड़ा लटुलों ल ऊंका खुट्टा पोंछैंनि, अर इत्र कि खुशबु ल घौर मैहकंण लगि गै।

यूहन्ना 12:7

यीशु ल बोलि, “वे तैं रैंण द्या। वे तैं मेरा दफनौंण का दिनौ कु रैंण द्या।