यूहन्ना 18:4 - गढवली नयो नियम

⁴ तब यीशु ऊं बातों तैं जांणि कै जु ऊं पर आंण वलि छै उख बट्टी निकलीनि अर ऊं मनिख्युं मा पूछि “कै तैं खुजांणा छा”

Garhwali

⁴ तब यीशु ऊं सब बातों तैं जाणि गै, कि वेका दगड़ा मा क्या-क्या होण वळु च। इलै उ अगनै ऐ अर ऊंकू बोलि, “तुम कैतैं खुज्याणा छाँ?”

यूहन्ना 18:4 ပူးပေါင်းရင်းမြစ်များ

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

मत्ती 26:2

“तुम जंणदा छा कि द्वी दिन का बाद फसह कु त्यौहार च अर मि मनिख कु नौंनो सूली पर चड़ौंणु कु पकड़वाये जौलु।”

मत्ती 26:21

जब उ बैठी कै खांणु खांणा छा त यीशु ल ऊंमा बोलि, “मि तुम मा सच बुल्णु छौं कि तुम मा बट्टी एक मि तैं पकड़वालो।”

मत्ती 26:31

तब यीशु ल ऊंमा बोलि, “तुम सभि आज की राती मेरा बारा मा अपड़ा विश्वास बट्टी भटकी जैला किलैकि परमेश्वर का वचन मा लिख्युं च मि बखरोला तैं मरुलु अर झुण्ड की ढिबरा तितर-बितर हवे जालि।”

लूका 24:44

फिर वेल ऊंकु बोलि, “यु मेरी उ बात छिन जु मिल जब मि तुमारा दगड़ा छो तुम मा बोलि छै कि जरूरी च कि जथग भि बात मूसा द्वारा लिखीं परमेश्वर की व्यवस्था मा अर परमेश्वर का तरपां बट्टी बुल्ण वलो अर भजनौं कि किताबों मा मेरा बारा मा लिखीं छिन यु सब सच साबित हूंनु।”

यूहन्ना 13:1

फसह कु त्यौहार से पैली जब यीशु ल जांणेली छो कि वेको जगत छोड़ी के बुबा मा लौटि जांणु कु उ बगत ऐ गै त अपड़ा अनुयायियों बट्टी जु जगत मा छा प्रेम रखदो छो उ अब ऊं तैं अपड़ा प्रेम की पूरी हद तक प्रेम करदो छो।

यूहन्ना 13:11

उ अपड़ा पकड़वौंण वला तैं जंणदु छा इलै वेल इलै बोलि, अर तुम सब शुद्ध छा भस एक तैं छोड़ी के।

यूहन्ना 18:5

ऊंल यीशु तैं जवाब दे, “नासरत नगर का यीशु तैं।” यीशु ल वेकु बोलि, “मि ही यीशु छों।” अर वेको पकड़ाण वलो यहूदा भि ऊंका दगड़ा खड़ो छो।

यूहन्ना 18:7

तब यीशु ल ऊं तैं फिर पूछि “तुम कै तैं खुजांणा छा।” ऊंल बोलि “नासरत नगर का यीशु तैं।”

यूहन्ना 19:28

यांका बाद यीशु ल यु जांणि के की अब वेल अपड़ो सैरो काम खत्म कैरी येले इलै कि परमेश्वर का वचन मा लिखीं बात सच साबित हो, यीशु ल बोलि, “मि तिसलो छौं।”

यूहन्ना 6:64

अर तुम मा कुछ इन छिन जु मि पर विश्वास नि करदींनि किलैकि यीशु पैली बट्टी जंणदु छो कि जु विश्वास नि करदींनि ऊं कु छिनी अर कु मि तैं पकड़वालो।

खास चेलों 2:28

तिल मि तैं जीवन को बट्टो बतै अर तू मि तैं अपड़ी उपस्थिति मा रौंण से आनन्द बट्टी भोरि दीलि’

1 पतरस 4:1

इलै, जब मसीह ल अपड़ा देह मा रै के दुःख सै, इलै तुम तैं भि वीं ही स्वभाव का दगड़ी दुःख सौणु कु तैयार रौंण चयणु च जु वेमा च। किलैकि जु तुम मसीह कु दुःख सौणु कु तैयार छा किलैकि तुम मसीह का छा, त तुम ल पाप नि कनु को फैसला कैरेले।