यूहन्ना 16:33 - गढवली नयो नियम

³³ मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”

Garhwali

³³ अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

यूहन्ना 16:33 ပူးပေါင်းရင်းမြစ်များ

मत्ती 9:2

अर देखा कथग ही लोग एक लकवा का रोगी तैं चार मनिख खाटलो मा उठवै के वेका संमणी लैनि यीशु ल ऊंका विश्वास तैं देखि के बोलि, “हे नौंना ढाडस रख तेरा पाप माफ हवे गैनी।”

लूका 19:38

“धन्य च उ राजा जु परमेश्वर की सामर्थ से औंदु स्वर्ग मा शान्ति अर आकाश मा बढ़ै हो।”

लूका 2:14

सबसे ऊंचो, “स्वर्ग मा परमेश्वर की बड़ै अर धरती मा ऊं मनिख्युं मा जौं बट्टी उ खुश च शान्ति हो।”

यूहन्ना 12:31

दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

यूहन्ना 14:1

“तुमारो मन परेशान नि हो, तुम परमेश्वर पर विश्वास रखदा छा मि पर भि विश्वास रखा।

यूहन्ना 14:27

मि तुम तैं शान्ति दींणु छौं, अपड़ी शान्ति तुम तैं दींणु छौं” यु उ शान्ति नि च जु दुनिया दे सकदु च; तुमारो मन परेशान नि हो अर न डैरो।

यूहन्ना 16:11

अर न्याय का बारा मा भि यकीन दिलालो की यु दुनिया कु सरदार शैतान भंगारी ठैरे जालो।

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 23:11

वीं रात प्रभु यीशु ल पौलुस का संमणी खड़ो हवे के बोलि, “हे पौलुस, हिम्मत रख; किलैकि जन तिल यरूशलेम शहर मा मेरी गव्है दींनि, उन ही त्वे तैं रोम शहर मा भि गव्है दींण होली।”

खास चेलों 27:22

अब मि तुम तैं सलाह दींण चांणु छौं कि हिम्मत रखा किलैकि तुम मा बट्टी कुई भि नि मुरुलो भस जहाज को ही नाश होलो।

खास चेलों 27:25

इलै हे भला आदमियों हिम्मत रखा किलैकि मि पिता परमेश्वर पर विश्वास करदो छौं अर जु मि से बुलै गै उन ही होलो।

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

2 कुरिन्थि 1:3

हमारा प्रभु यीशु मसीह कु अर पिता परमेश्वर कु धन्यवाद हो, जु हम पर दया दिखांद, अर हम तैं हमेशा उत्साहित कन वलो पिता परमेश्वर च।

2 कुरिन्थि 13:11

हे विश्वासी भयों, खुश रावा; सिद्ध बणदी जावा; मेरी सलाह सूंणा; एक ही मन रावा; मेल से रावा, अर प्रेम अर शान्ति कु दाता पिता परमेश्वर तुम दगड़ी होलो।

2 कुरिन्थि 2:14

पर पिता परमेश्वर कु धन्यवाद हो, हमारा सम्बंध मसीह का दगड़ी हूंणा का कारण, उ हमेशा हम दगड़ी रौंद अर हम तैं जीत दिलांद। यांको मतलब च कि हम जख भि जांदा, हम शुभ संदेश का प्रचार की खुशबु तैं फैलौंदां कि सभि लोग पिता परमेश्वर तैं जांणा अर सूंणा।

2 कुरिन्थि 4:7

पर अब हमारा दिलों मा यु उज्यलो चमकणु च, पर हम अफ माटा का ऊं कमजोर भांडा का जन छा जौं मा यु बड़ों खजाना भुर्युं च, कि या कभी खत्म नि हूंण वली सामर्थ हमारी तरपां बट्टी न, पर पिता परमेश्वर ही का तरपां बट्टी च।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

2 कुरिन्थि 7:4

मि तुम बट्टी भौत विश्वास से बुल्णु छो, मि तैं तुम पर बड़ो गर्व च; मि भौत प्रोत्साहित छो; अपड़ा सैरा क्लेश मा मि आनन्द से भौत भरपूर रौंदु।

गलातियों 1:4

हमारा परमेश्वर अर पिता की मनसा का अनुसार मसीह यीशु ल अपड़ा आप तैं हमारा पापों का कारण बलिदान कैरी दींनि, कि उ हम तैं ऊं बुरी शक्तियों बट्टी छुड़ो जु आज दुनिया मा काम कनी छिनी।

गलातियों 6:14

मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

फिलिप्पी 4:7

तब पिता परमेश्वर कि शान्ति, ज्वा मनिख का सैरी समझ बट्टी भैर च, तुमारा ह्रदय अर तुमारा विचारों तैं मसीह यीशु मा सम्भालि के रखली।

कुलुसी 1:20

पिता परमेश्वर ल अपड़ा नौंना हमारा प्रभु यीशु तैं भेजि, जैल सूली पर मोरि के अपड़ो ल्वे बुगै। पिता परमेश्वर अपड़ा अर उ सब चीजों को अफ दगड़ी मेल मिलाप करवै, चै उ चीज धरती पर कि हो या चै आसमान पर कि हो।

1 थिस्सलुनीकी 3:4

पैली भि जब हम तुमारा इख छा, त तुम मा बुल्दा छा, कि हम पर क्लेश आलो, अर इन ही हवे, अर तुम जंणदा भि छा।

1 थिस्सलुनीकी 3:7

इलै हे विश्वासी भयों, हम ल अपड़ी सैरी मुसिबत अर क्लेश मा तुम्हरा बारा मा (तीमुथियुस बट्टी) सूंणि के प्रोत्साहित हुयां कि तुम अपड़ा विश्वास मा मजबूत छा।

2 थिस्सलुनीकी 3:16

मि प्रार्थना करदु कि प्रभु, जु शान्ति कु स्रोत च उ अफी तुम तैं सदनी हरेक ढंग से शान्ति द्यो; प्रभु तुम सभियूं का दगड़ा मा हमेशा रौ।

2 तीमुथियुस 3:12

तू ढंग से जणदी छै, कि लोग ऊं सभियूं तैं सताला जु मसीह यीशु का सेवक का रूप मा जीवन ज्यूंण चयदींनि।

इब्रानी 11:25

यु इलै हवे कि मूसा ल जरा बगत कु पाप का सुख कु आनन्द लींणा का बजाय पिता परमेश्वर का लुखुं का दगड़ी दुख भुकतण अच्छो समझी।

1 पतरस 5:9

तुम तैं अपड़ा मजबूत विश्वास का दगड़ी वेको विरोध कन चयणु च, याद रखा की विश्वासी भैय-बैंण जु पूरा दुनिया मा रौंणा छिनी, इन ही के दुखों तैं सौणा छिनी जन तुम सौणा छा।

1 यूहन्ना 2:13

हे पुरणों, मि तुम कु इलै लिखणु छौं, की यीशु मसीह पैली बट्टी च, तुम वे तैं जंणदा छा, हे जवानों, तुम कु इलै लिखणु छौं, कि तुम ल वे दुष्ट शैतान पर जै पै; हे नौंनो, मि तुम कु इलै लिखणु छौं, कि तुम पिता परमेश्वर तैं जांणि ग्यां।

1 यूहन्ना 4:4

हे प्रिय नौंनो, तुम पिता परमेश्वर का लोग छा अर तुम ल ऊं झूठा लुखुं पर जीत पयले; किलैकि जु पवित्र आत्मा तुम मा च, उ शैतान बट्टी भि बड़ो च, जु ईं दुनिया का लुखुं पर राज्य करदो।

1 यूहन्ना 5:4

किलैकि जु कुई पिता परमेश्वर की सन्तान च, उ ईं दुनिया पर जीत हासिल करद, अर हमारा विश्वास बट्टी दुनिया पर जीत हासिल हूंदी।

दिब्य दरस 12:11

हमारा विश्वासियों ल शैतान तैं हरै लियेले। ऊंल वे चिनखा का ल्वे की सामर्थ बट्टी हरै, जु ऊं तैं ऊंका पापों तैं छुडांणु कु मरै गै छो। किलैकि ऊंल यु अंगीकार नि कैरी कि चिनखो ऊंको प्रभु च। जबकि ऊं तैं सतै गै इख तक की मरै भि गै, पर उ अपड़ा वे अंगीकार बट्टी पिछनै नि हटीनि।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 7:14

मिल वे बट्टी बोलि, “हे स्वामी, मि नि जंणदु पर तू जणदी छै।” वेल मि बट्टी बोलि, “यु सफेद कपड़ा पैरयां लोग उ छिनी जौं की मौत कष्ट का बड़ा बगत मा हवे छै। यु उ लोग छिनी जौनु चिनखा का बलिदान का ल्वे बट्टी अपड़ा आप तैं पिता परमेश्वर की नजरों मा शुद्ध बणै दींनि।”