यूहन्ना 16:19 - गढवली नयो नियम

¹⁹ यीशु ल यु की उ मि तैं यूं बातों कु मतलब पुछण चांणा छिन, वेल बोलि, क्य तुम आपस मा मेरी यूं बातों का बारा मा पूछताछ कना छा जरा देर मा तुम मि तैं नि देखि ल्या, अर फिर जरा देर मा मि तैं देखि ल्या?

Garhwali

¹⁹ तब यीशु तैं मालूम ह्‍वे गै, कि ऊ मि बटि कुछ पूछण चाणा छिन। इलै वेन ऊंकू बोलि, “मिन तुमकु बोलि कि, ‘थुड़ी देर बाद तुम मितैं नि दिखल्या, पर और थुड़ी देर बाद तुम मितैं फिर से दिखल्या।’ क्या येका बारा मा तुम आपस मा पूछताछ करणा छाँ, कि येको मतलब क्या च?

यूहन्ना 16:19 ပူးပေါင်းရင်းမြစ်များ

मत्ती 6:8

इलै तुम ऊं जन नि बंणा किलैकि तुमारो बुबा तुमारा मंगण से पैली ही जंणदो च कि तुमारी क्य जरूरत छिनी।

मत्ती 9:4

यीशु ल ऊंका मन की बात जांणि के बोलि, तुम लोग अपड़ा-अपड़ा मन मा बुरा किलै कना छा?

मरकुस 9:32

पर या बात चेलों की समझ मा नि ऐ कि वेल क्य बोलि, अर उ वे बट्टी पुछण से भि डरदा छा।

यूहन्ना 13:33

बालकों मि और थोड़ा देर तुमारा दगड़ा मा छौं फिर तुम मि तैं ढुंड़िल्या अर जन मिल यहूदियों कु बोलि, कि जख मि जांणु छौं उख तुम नि ऐ सकद्यां अर उन ही अब मि तुम मा भि बुल्णु छौं।

यूहन्ना 14:19

जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

यूहन्ना 16:16

“मि जरा देर तक और तुम दगड़ी छों तब अपड़ा भिजण वला मा लौटि जौलु।”

यूहन्ना 16:18

तब चेला एक दुसरा बट्टी पुछण छा “यु ‘थोड़ी देर’ जु उ बुल्द च क्य बात च? हम नि जंणदा, कि उ क्य बुल्द।”

यूहन्ना 16:23

वे बगत जब तुम मि तैं फिर दिखला त तुम मि मा कुछ नि पुच्छिल्या; मि तुम मा सच-सच बुल्णु छौं जु पिता परमेश्वर बट्टी कुछ मगिल्या त उ मेरा अधिकार बट्टी तुम तैं दयालो।

यूहन्ना 16:26

वे बगत तुम मेरा नौं का अधिकार बट्टी मगिल्या अर मि तैं पिता परमेश्वर बट्टी प्रार्थना नि कन होलि की उ कैर जु तुम मांगदां छा

यूहन्ना 16:30

अब हम जांणि ग्यां कि तुम सब कुछ जंणद्यां त्वे तैं कैकी जरूरत ही नि च कि कुई तुम बट्टी सवाल पूछो, इलै हम विश्वास करदां छा कि तु परमेश्वर की तरपां बट्टी अयुं छै।”

यूहन्ना 21:17

यीशु ल फिर तिसरी दौं वेको बोलि, “हे यूहन्ना का नौंना शमौन पतरस क्य तु मि से प्रेम रखदि” पतरस उदास हवे गै कि वेल तिसरी दौं इन पूछि कि “क्य तुम मि से प्रेम रखदि” अर पतरस ल यीशु कु बोलि “हे प्रभु तुम सब कुछ जंणदा छा तुम यु भि जंणदा कि तुम बट्टी प्रेम रखदो यीशु ल वेको बोलि मेरा ढिबरों तैं चरौ।

यूहन्ना 6:61

यीशु ल अपड़ा मन मा यु जांणि के कि मेरा चेला आपस मा ईं बात पर कुड़कुड़ाणा छिन ऊं बट्टी पूछि क्य यु तुम तैं मि पर विश्वास कन से रुकदो च?

यूहन्ना 7:33

ईं बात पर यीशु ल बोलि मि जरा देर तक और तुम दगड़ी छौं तब भिजण वला मा लौटि जौलु।

इब्रानी 4:13

पिता परमेश्वर का नजरों मा ईं दुनिया का कुई भि आदिम छिपियां नि छिनी, हम तैं पिता परमेश्वर तैं वे हर काम कु हिसाब दींण पुड़लो, किलैकि पिता परमेश्वर का संमणी सभि बात खुलीं अर प्रगट छिनी।

दिब्य दरस 2:23

मि ऊं लुखुं तैं मारि दयुलु जु वींकी शिक्षाओं कु अनुसरण करदींनि, अर सैरी मण्डलि जांणि जाली कि मि ही छो जु हर एक आदिम का विचारों अर उद्देश्यों की अजमैश करदु। मि तुम मा बट्टी हर एक तैं ऊंका करयां कामों का अनुसार ईनाम दयुलु।