यूहन्ना 15:2 - गढवली नयो नियम

² हर एक डाली जु मि बट्टी च पर फल नि दींदी, त वे तैं तोड़ी डल्द अर जु फल्दी च, वेकी कटाई करदु कि हरेक फलो।

Garhwali

² अर ज्वा फौंकि मि मा च अर अगर वीं पर फल नि लगदिन त वींतैं उ काटी देन्दु, अर ज्वा फळदि च वींतैं उ छाँटदु च, ताकि वे पर और भि जादा फल लगा।

यूहन्ना 15:2 ပူးပေါင်းရင်းမြစ်များ

मत्ती 13:12

किलैकि जै मा थोड़ी भि मेरी बातों तैं समझणै की इच्छा छैं च वे तैं और दिये जालि अर वेमा भौत हवे जलो पर जै मा थोड़ा भि नि च वेमा बट्टी उ भि लिये जालि जु वेमा छैं च।

मत्ती 13:33

यीशु ल एक और मिसाल ऊं तैं सुंणै कि स्वर्ग कु राज्य खमीर का जन च जै तैं एक जनन ल ले के तीन पथा आटा मा मिलै दींनि अर होंद-होंद उ सब खमीर हवे गै।

मत्ती 15:13

वेल जवाब दींनि “हरेक व डाली ज्वा मेरा स्वर्गीय बुबा ल नि लगै व उखाड़े जालि।”

मत्ती 21:19

अर सड़क का किनारा पर एक बेडु को डालो देखि कै यीशु वेका नजदीक गै, अर पत्तों तैं छोड़ी के वे मा और कुछ नि पै यीशु ल वे डाला कु दंड दे के बोलि, “अब बट्टी त्वे पर कभि फल नि लगुनु”अर उ बेडु को डाला तुरंत सूखि गै।

मत्ती 25:29

किलैकि जै मा थोड़ी भि मेरी बातों तैं समझणु की समझ छैं च वे तैं और दिये जालि पर जै मा थोड़ा भि नि च वेमा बट्टी उ भि लिये जालि जु वेमा छैं च।

मत्ती 3:10

इलै अब तुम परमेश्वर का न्याय कु तैयार रावा अब कुल्हड़ो डाला का जौड़ा मा रख्युं च इलै जु-जु डालो अच्छो फल नि लौंदु उ कटे अर आग मा झोंके जांद।

मत्ती 3:12

वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं को बीज तैं अपड़ा भंडार मा कट्ठा करलो पर भूसा तैं आग मा फूंकी दयाला ज्वा बुझी नि सकदी।”

मत्ती 7:19

जु-जु डालो अच्छो फल नि लौंदु उ कटे अर झूठा लोग जु अपड़ा आप तैं परमेश्वर को संदेश दींणवलों बुल्दिन ऊं तैं भि इन ही दण्ड दिये जलो।

मरकुस 4:20

कुछ जु अच्छी जगह मा बुतै गैनी उ यु छिनी जु वचन तैं सूंणि के स्वीकार करदींनि अर फल लंदिनि कुई तीस गुणा डाला जन कुई साठ गुणा डाला जन अर कुई सौ गुणा डाला जन।

लूका 8:13

पौड़ पर का उ छिन कि जब सुणदींनि त खुशी से वचन तैं स्वीकार कैरी दींदिनि पर अफ मा जौड़ा नि रखणा वजह से जरा देर तक विश्वास रखदींनि अर अजमैश औंदि त तब उ तुरंत पिछनै हवे जंदींनि।

यूहन्ना 15:1

“सच्ची अंगूरों कि लगुली मि छौं, अर मेरू बुबा किसान च।

यूहन्ना 15:16

तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

यूहन्ना 15:3

जु शिक्षा मि तुम तैं दींदु, वेका का कारण तुम शुद्ध छा।

यूहन्ना 15:6

जु कुई मि मा बणयुं नि रालो त उ फौंकि कि तरौं फुंड ढुलै जांदु अर सूखि जांदु” अर लोग वे तैं बटोरी कै आग मा झौंकि दींद अर उ फुके जांद।

यूहन्ना 15:8

मेरा बुबा कि बड़ै यां बट्टी हूंदी कि तुम भौत सैरा फल ल्यां, तब तुम मेरा चेला हूंण कु सबूत छा।

यूहन्ना 17:12

जब मि ऊंका दगड़ा मा छो त मिल तेरु वे नौं से जु तिल मि दींनि ऊंकी राग जुगाल कैरी अर विनाश का नौंना तैं छोड़ वेमा बट्टी कुई नाश नि होलो इलै परमेश्वर का वचन मा लिखीं बात पूरी हवे।

रोमियों 11:17

इस्राएल का लोग एक अच्छा जैतून डाला का फौंका का जन छिनी अर पिता अब्राहम, इसहाक अर याकूब वे डाला का जौड़ा का जन छिनी। अन्यजाति जंगली जैतून का डाला का फौंका जन च अर तुम यहूदियों बट्टी वे जन फैदा प्राप्त करदयां जन की जंगली जैतून का डाला का फौंका अच्छा जैतून का डाला बट्टी फैदा प्राप्त करदींनि।

रोमियों 11:22

इलै, तुम तैं यां पर ध्यान दींण चयणु च! परमेश्वर की मयलदु-पन अर कठोरता तैं, जु गिरी गैनी, ऊं पर कठोरता, पर तुम पर दया त हवे, तुम वेकी दया मा बंणयां रा, नथिरी तुम भि कटै जैला।

रोमियों 8:28

हम जंणदा छा, कि जु लोग परमेश्वर बट्टी प्रेम रखदींनि, मतलब ऊंकु ही जु वेकी ही इच्छा का अनुसार चलदींनि जूं तैं वेको चुणयूं च, ऊं लुखुं कु पिता परमेश्वर सभि बातों कु भलै कु ही करद,

1 कुरिन्थि 13:1

मि भले ही मनिख्युं अर स्वर्गदूतों की भाषाओं मा बोलु; पर जु मिल लुखुं बट्टी प्रेम नि कैरी, त ऊं भाषाओं तैं बुल्ण मि कु ठनठनांदु पीतल, अर झंझनांद ढपली जन च।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 12:15

अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

1 यूहन्ना 2:19

उ लोग जु अब मसीह को विरोध करदींनि, उ निकली त हम ही बट्टी छिनी, पर हमारा दगड़िया नि छिनी, किलैकि जु उ हमारा दगड़िया हुंदा, त हम दगड़ी रौंदा, पर ऊंल हम तैं छोड़ दींनि किलैकि उ हमारा झुंड का हिस्सा नि छा।

दिब्य दरस 3:19

मि जै तैं भि प्रेम करदु, वे तैं मि सिखांदु अर सजा भि दींदु कि उ अच्छा बण जा। इलै मन फिरावा अर अच्छै कन मा लगयां रावा, पापमय काम कन बंद कैर द्या।