यूहन्ना 15:10 - गढवली नयो नियम

¹⁰ जु तुम मेरी आज्ञाओं तैं पालन करिल्या, त मेरा प्रेम मा बंणयां रैल्या जन कि मिल अपड़ा पिता परमेश्वर कि आज्ञाओं कु पालन कैरी, अर वेका प्रेम मा बणयुं रौ।

Garhwali

¹⁰ अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

यूहन्ना 15:10 ပူးပေါင်းရင်းမြစ်များ

यूहन्ना 10:18

कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च।

यूहन्ना 12:49

किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

यूहन्ना 14:15

जु तुम मि बट्टी प्रेम करदां त मेरी आज्ञाओं कु पालन करिल्या।

यूहन्ना 14:21

जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”

यूहन्ना 14:23

यीशु ल वे तैं जवाब दींनि, “मि अफ तैं इन लुखुं तैं दिखांदु जु मि तैं प्रेम करदींनि अर जु मेरी शिक्षा कु पालन करदींनि अर हम औला अर वेका दगड़ी रोला।

यूहन्ना 14:31

मि उन ही करदु छों जन बुबा मि तैं आज्ञा दींनि कि दुनिया का लुखुं तैं पता चलि जौ की मि बुबा बट्टी प्रेम करदु छों।

यूहन्ना 17:4

जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

यूहन्ना 8:29

मेरू भिजण वलो मि दगड़ी च वेल मि तैं इखुली नि छोड़ी किलैकि मि सदनी ऊं कामों तैं करदु जौं बट्टी उ खुश हूंद।

यूहन्ना 8:55

तुम ल त वे तैं नि जांणि पर मि वे तैं जंणदु छौं। अर जु बुल्द कि मि वे तैं नि जंणदु, त मि तुमारा सम्मान झूठो ठैरुलु पर मि वे तैं जंणदु अर वेका आज्ञा मंणदु छौं।

1 कुरिन्थि 7:19

कै कु खतना हवे या नि हवे यां बट्टी कुई फर्क नि पुड़दो, पर पिता परमेश्वर की आज्ञाओं तैं मनणु भौत जरूरी च।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

इब्रानी 7:26

किलैकि यीशु इन महायाजक च जै की हम तैं जरूरत च; उ पवित्र च, अर पापरहित च, अर शुद्ध च, अर वे तैं स्वर्ग मा मथि उठै गै।

2 पतरस 2:21

मेरू मतलब यु च, किलैकि पिता परमेश्वर ऊं लुखुं तैं जादा गंभीरता ल दण्ड दयालो जु मसीह तैं छोड़ी दींदिनि बजाय ऊंका जौनु वे तैं कभी स्वीकार नि कैरी। ऊंकु बढ़िया हूंद जु उ कभी यु जंणदा ही न कि अपड़ा जीवन तैं धार्मिकता का रस्ता पर चलंणों को क्य मतलब च। अब उ जंणदा छिनी कि सै क्य च पर ऊंल पिता परमेश्वर की ऊं आज्ञाओं तैं अस्वीकार कैरेले जु हम, प्रेरितों ल ऊं तैं सिखै छै।

1 यूहन्ना 2:3

जु हम पिता परमेश्वर की आज्ञाओं तैं मांणा, त वे बट्टी हम तैं पता लगलो कि हम वे तैं जंणदां छा।

1 यूहन्ना 2:5

पर जु कुई पिता परमेश्वर की आज्ञाओं को पालन करदो, वेमा सच मा पिता परमेश्वर को प्रेम पूरो हुयुं च, यु बट्टी ही हम तैं मालुम हून्दो, कि पिता परमेश्वर का दगड़ी हमारो सम्बन्ध च।

1 यूहन्ना 2:6

जु कुई यु बुल्दो, कि पिता परमेश्वर का दगड़ी हमारो सम्बन्ध च, उ खुद भि वे बट्टा पर चल्दो जै पर यीशु चल्दु छो।

1 यूहन्ना 5:3

पिता परमेश्वर बट्टी प्रेम कनु कु चिन्ह यो च, कि हम वेकी आज्ञाओं को पालन कैरा; अर वेकी आज्ञा मनण कठिन नि छिनी।

दिब्य दरस 22:14

धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।