यूहन्ना 14:19 - गढवली नयो नियम

¹⁹ जरा ही बगत मा दुनिया मि तैं नि दिखल्या, तुम मि तैं दिखल्या किलैकि मि फिर से ज्यूँदो हवे जालो अर इलै तुम भि ज्यूँदो रैला।

Garhwali

¹⁹ अब कुछ देर बाद दुनियां का लोग मितैं नि दिखला पर तुम मितैं दिखल्या, किलैकि मि ज्यून्दु छौं अर तुम भि ज्यून्दा रैल्या।

यूहन्ना 14:19 ပူးပေါင်းရင်းမြစ်များ

यूहन्ना 11:25

यीशु ल वीं मा बोलि, मि ऊई छों जु मुरयां लुखुं तैं जीवन मा वापिस लांदु छों अर जु कुई मि पर विश्वास करदु जु उ मोरि भि जालो तब भि ज्यून्दो रालो।

यूहन्ना 12:35

यीशु ल ऊंमा बोलि उज्यलो अब जरा देर तक तुमारा बीच मा च जब तक उज्यलो तुम दगड़ी च तब तक हिटिल्या इन नि हो कि अंधेरो तुम तैं घेरि द्यो जु अंधेरा मा हिटदु उन ही जंणदु कि कना जांणु

यूहन्ना 13:33

बालकों मि और थोड़ा देर तुमारा दगड़ा मा छौं फिर तुम मि तैं ढुंड़िल्या अर जन मिल यहूदियों कु बोलि, कि जख मि जांणु छौं उख तुम नि ऐ सकद्यां अर उन ही अब मि तुम मा भि बुल्णु छौं।

यूहन्ना 14:6

यीशु ल वेकु बोलि, “बाटु अर सचै मि ही छों अर जीवन भि मि छों बगैर मेरा द्वारा कुई पिता परमेश्वर मा नि पौंछि सकदु।

यूहन्ना 16:16

“मि जरा देर तक और तुम दगड़ी छों तब अपड़ा भिजण वला मा लौटि जौलु।”

यूहन्ना 16:22

इन ही रीति बट्टी, तुम तैं भि अब त शोक च, पर मि तुम तैं फिर मिललो तुम आनन्दित हवेला अर तुमारो आनन्द कुई तुम बट्टी छिन नि सकदो।

यूहन्ना 6:40

किलैकि मेरा पिता परमेश्वर कि मनसा याचा कि जु कुई मि पर विश्वास करदो उ अनन्त जीवन पौ अर मि वे तैं अंत का दिन मा फिर ज्यूँदो उठौलु।

यूहन्ना 7:33

ईं बात पर यीशु ल बोलि मि जरा देर तक और तुम दगड़ी छौं तब भिजण वला मा लौटि जौलु।

यूहन्ना 8:21

यीशु ल फिर ऊंकु बोलि, “मि त जांणु छौं अर तुम मि तैं खुजैला अर तुम अपड़ा पाप माफ हुयां बगैर ही मोरि जैला जख मि जांणु छौं उख तुम नि ऐ सकदयां।”

खास चेलों 10:41

सब मनिख्युं ल वे तैं नि देखि पर हम प्रेरितों ल गवाहों का रूप मा जु तैं पिता परमेश्वर ल पैली चुणि लियेले छो। अर मुर्दों मा बट्टी ज्यून्दा हूंणा का बाद हम ल वे दगड़ी खै-पये।

रोमियों 5:10

किलैकि जब हम पिता परमेश्वर का दुश्मन छा त वेका नौंना मसीह यीशु कि मौत का द्वारा हमारो मेल मिलाप परमेश्वर का दगड़ी हवे, इलै हम निश्चित रूप बट्टी यु जांणि सकदा छा कि अब जबकि हमारो वे दगड़ी मेल मिलाप च त उ हम तैं बचालो किलैकि मसीह ज्यूंदों च।

रोमियों 8:34

कुई भि हमारी निंदा नि कैर सकद किलैकि उ यीशु मसीह च, जु हम कु मोरि गै अर मुर्दों मा बट्टी ज्यूँदो भि किये गै, अर पिता परमेश्वर की दैंणी तरपां च, अर जु हमारी तरपां बट्टी पिता परमेश्वर बट्टी बिनती करदो।

1 कुरिन्थि 15:20

पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।

1 कुरिन्थि 15:45

परमेश्वर का वचन मा लिख्युं च, “इन धरती कु पैलो आदिम, मतलब आदम, जीवित प्राणी बंणि” और आखरी आदिम जु मसीह च, जु अनन्त जीवन दींद।

इब्रानी 7:25

इलै की जु यीशु का द्वारा पिता परमेश्वर का संमणी औंदींनि उ, ऊं लुखुं कु पूरो-पूरो बचाव अर उद्धार कैरी सकद, किलैकि यीशु लुखुं कु पिता परमेश्वर बट्टी बिनती कनु कु हमेशा जीवित अर उपस्थित च।

दिब्य दरस 20:4

वेका बाद मिल कुछ सिंहासन दिखिनि अर जु लोग ऊं सिंहासनों पर बैठयां छा ऊं तैं राज्य कनु को अधिकार दिये गै छो। मिल ऊं लुखुं की आत्माओं तैं भि देखि, जूंका मुंड तैं काटेले छो किलैकि ऊंल यु अंगीकार कैरी छो कि यीशु ऊंको प्रभु छो, अर उ परमेश्वर का वचन पर विश्वास करदा छा। ऊं लुखुं ल जानवर या वेकी मूर्ति की आराधना नि कैरी छै, ऊंल अपड़ा माथा या हथों पर जानवर की छाप भि नि लगै छै। यु लोग दुबरा ज्यून्दा हवे गैनी अर एक हजार सालों तक मसीह का दगड़ी मिली के राज्य कैरी।