यूहन्ना 12:13 - गढवली नयो नियम

¹³ इलै ऊंल खजूर कि फौंकि हथ मा रखिनि अर ऊंका दगड़ा भेंट कनु कु चलि गैनी अर बुल्ण लगि गैनी “होशाना” धन्य च उ जु इस्राएल का लुखुं का घराना जु परमेश्वर की सामर्थ से औंदु

Garhwali

¹³ तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्‍न लगि गैनी, “होसन्‍ना, धन्य च उ जु प्रभु का नौ से औन्दु, उई इस्राएल को राजा च।”

यूहन्ना 12:13 ပူးပေါင်းရင်းမြစ်များ

मत्ती 23:39

किलैकि मि तुम मा बुल्णु छौं कि अब बट्टी जब तक तुम नि बोलिल्या कि धन्य च उ जु प्रभु का अधिकार का दगड़ी च तब तक तुम मि तैं फिर कभि नि देखि ल्या।”

मत्ती 27:42

“येल औरों तैं बचै पर अफ तैं नि बचै सकदु हे इस्राएल का लुखुं का राजा मसीह सूली बट्टी उतरी के औ हम भि त्वे तैं देखि कै विश्वास करुला।”

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 12:14

जब यीशु तैं गधा कु एक बच्चा मिली तब उ वे पर बैठी के यरूशलेम शहर मा ऐ जन लिख्युं च उन ही हवे

यूहन्ना 12:15

“हे सिय्योन की नौंनि नि डैर देख तेरु राजा गधा का बच्चा पर बैठी के औंणु च।”

यूहन्ना 19:15

पर उ चिलांण लगि गैनी “वे तैं मर डाला, वे तैं मर डाला!” वे तैं सूली पर चढ़ावा! पिलातुस ल ऊंमा बोलि, “क्य मि तुमारा राजा तैं सूली पर चढ़णै” प्रधान याजक ल जवाब दींनि, “कैसर तैं छोड़ी कै हमारो अर कुई राजा नि च।”

दिब्य दरस 15:3

अर उ पिता परमेश्वर का दास मूसा को गीत गांणा छा जु कि चिनखो का बारा मा च, “हे सर्वशक्तिमान प्रभु परमेश्वर, जु कुछ तिल कैरी उ कीमती अर अद्भुत च, तू सभि देशों को स्वामी छै, तू जु भि करदी उ सच अर धर्म कु च।”

दिब्य दरस 19:16

अर वेको चोला अर दे जांघ पर यु नौं लिख्युं छो “प्रभु अर राजाओं को राजा च।”

दिब्य दरस 7:9

यांका बाद मिल देखि कि लुखुं की एक इथग बड़ी भीड़ छै कि कुई भि ऊं सभियूं तैं नि गिणी सकदो छो। उ दुनिया का हर जाति, गोत्र, राष्ट्र अर भाषा बट्टी छा। उ सिंहासन अर चिनखा का संमणी खड़ा छा। ऊंका सफेद कपड़ा पैरयां छा अर हर एक आदिम को अपड़ा-अपड़ा हथ मा खजूर का फौका पकडयां छा जु कि एक आदर को चिन्ह छो।